अक्षय बडवे, साम टीव्ही पुणे
वडिलांच्या उपचारासाठी उसने घेतलेले पैसे परत न दिल्याने एका तरुणीवर शेजारी राहणाऱ्या व्यक्तीनेच अत्याचार केल्याची धक्कादायक घटना पुण्यातील कात्रज परिसरात घडली आहे. याप्रकरणी पीडित तरुणीच्या फिर्यादीवरून पोलिसांनी आरोपी-पती पत्नीविरोधात गुन्हा दाखल केलाय. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
आकाश सुरेश माने आणि पूनम आकाश माने, अशी गुन्हा दाखल झालेल्या आरोपींची नावे आहेत. पोलिसांनी दिलेल्या माहितीनुसार, १७ वर्षीय पीडित तरुणी पुण्यातील (Pune News) कात्रज परिसरात राहते. काही दिवसांपूर्वी पीडित तरुणीचे वयोवृद्ध वडील आजारी पडले होते.
त्यांच्या उपचारासाठी तिने आरोपी पूनम आणि आकाश यांच्याकडून ३० हजार रुपये उसने घेतले होते. मात्र, घरची परिस्थिती बेताची असल्याने तिला वेळेवर पैसे परत करता आले नाही. त्यामुळे आरोपी आकाशने तरुणीला धमकावणे सुरू केले. (Latest Crime News)
इतकंच नाही, तर वेगवेगळ्या ठिकाणी नेऊन तिच्यावर लैंगिक अत्याचार देखील केला. आरोपी आणि त्याची पत्नी इतक्यावरच थांबले नाही. त्यांनी तरुणीवर दबाव आणून तिला देहविक्री करण्यास भाग पाडले. तसेच तिच्याकडून पैसे देखील वसूल केले.
धक्क्दायक बाब म्हणजे, आरोपी हे स्वत: ग्राहकांचा शोध घेऊन तरुणीची देहविक्री करीत होते. ग्राहकांकडून येणारे पैसे ते जमा करीत होते. आरोपींचे कृत्य दिवसेंदिवस वाढ असल्याने पीडित तरुणीने भारतीय विद्यापीठ पोलिसांत धाव घेत तक्रार दाखल केली. याप्रकरणी पोलिसांनी आरोपी पती-पत्नीविरोधात गुन्हा दाखल केला आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.