New Delhi: पंतप्रधान नरेंद्र मोदी हे सध्या फ्रान्सच्या दौऱ्यावर आहेत. या दौऱ्यादरम्यान, पंतप्रधान मोदी यांनी फ्रान्समध्ये उच्च शिक्षण घेऊ इच्छिणाऱ्या भारतीय विद्यार्थ्यांसाठी महत्वाची घोषणा केली आहे. अनिवासी भारतीयांशी संवाद साधताना पंतप्रधान नरेंद्र मोदींनी घोषणा केली आहे. (Latest Marathi News)

भारताचे पंतप्रधान नरेंद्र मोदी अमेरिकेनंतर आता दोन दिवसीय फ्रान्सच्या दौऱ्यावर आहेत. या दौऱ्यादरम्यान, फ्रान्सचे अध्यक्ष इमॅन्यूएल मॅक्रॉन यांची भेट घेतली. तसेच पॅरिस येथील अनिवासी भारतीयांसोबत बोलताना मोठी घोषणा केली.

पंतप्रधान नरेंद्र मोदी म्हणाले, 'मी आपल्याला आनंदाची बातमी देत आहे की, आम्ही शिक्षणाचाही मान ठेवला आहे. भारतातील शैक्षणिक संस्थांमध्ये शिकवणं आता सोपं करण्यात आलं आहे. तर गेल्या वर्षी मी ठरवलं होतं की, फ्रान्समध्ये शिकणाऱ्या भारतीय विद्यार्थ्यांना दोन वर्षांचा उच्चशिक्षणाचा व्हिसा देण्यात येत होता'.

'आता फ्रान्समध्ये पदव्युत्तर शिक्षण घेण्याऱ्या विद्यार्थ्यांना दीर्घकालीन पाच वर्षांचा व्हिसा देण्यात येणार आहे, अशी मोठी घोषणा पंतप्रधान मोदी यांनी केली आहे. पंतप्रधान नरेंद्र मोदी यांच्या घोषणेमुळे फ्रान्समध्ये शिक्षण घेऊ इच्छिणाऱ्या विद्यार्थ्यांना मोठा दिलासा मिळाला आहे.

पंतप्रधान नरेंद्र मोदी फ्रान्सचा सर्वाोच्च नागरी पुरस्कार

पंतप्रधान नरेंद्र मोदी हे सध्या दोन दिवसांच्या फ्रान्स दौऱ्यावर आहेत. या दौऱ्यादरम्यान पीएम मोदींना फ्रान्स सरकारने 'ग्रॅण्ड क्रॉस ऑफ द लीजन ऑफ ऑनर' या पुरस्काराने सन्मानित करण्यात आले आहे. हा फ्रान्समधील सर्वोच्च नागरी सन्मान आहे. पीएम मोदी हा सर्वोच्च नागरी पुरस्कार मिळवणारे भारताचे पहिले पंतप्रधान ठरले आहेत.

फ्रान्सचे राष्ट्राध्यक्ष इमॅन्युएल मॅक्रॉन यांच्या हस्ते पीएम मोदींना 'ग्रॅण्ड क्रॉस ऑफ द लीजन ऑफ ऑनर' हा पुरस्कार प्रदान करण्यात आला.