Pimpri Chinchwad Crime News : पिंपरी चिंचवड शहरातील एका नामांकित शैक्षणिक संस्थे जवळ मेफेनटरमाईन सल्फेट आणि गांजा विक्री होत असल्याचा धक्कादायक प्रकार उघडकीस आला आहे. या प्रकरणी पाेलीसांनी एकास अटक केली आहे. (Maharashtra News)

महाविद्यालयीन मुले जिम मध्ये जास्त वेळ व्यायाम करता यावा, तसेच शरीर सुडोल दिसावे आणि सेक्स पाॅवर वाढवा यासाठी मेफेनटरमाईन सल्फेट इंजेक्शन खरेदी करत असल्याचं पिंपरी चिंचवड (Pimpri Chinchwad) शहर पोलिसांच्या कारवाईत उघडकीस आला आहे. पिंपरी चिंचवड शहर पोलिसांच्या खंडणी विरोधी पथकाने वाय सी एम हॉस्पिटल जवळ केलेल्या कारवाईत रवि चंद्रकांत थापा (वय 32) याच ताब्यात घेत त्याची चाैकशी केली.

या चाैकशीनंतर त्याच्याकडून जवळपास ९५ मेफेनटरमाईन सल्फेट इंजेक्शनच्या बाटल्या, ६४२ ग्रॅम गांजा आणि २००० रुपये रोख रक्कम असा मुद्देमाल पाेलीसांनी जप्त केला. रवि चंद्रकांत थापा हा वाय सी एम हॉस्पिटल जवळील एका नामांकित संस्थेच्या विद्यार्थ्यांना मेफेनटरमाईन सल्फेट आणि गांजा पुरवठा करत असल्याचं पोलीस तपासात निष्पन्न झाले आहे.

या प्रकरणात पिंपरी पोलीस स्टेशन मध्ये रवि चंद्रकांत थापावर (कलम २७६,३३६,३२८ व एन डी पी एस एकट कलम ८( क), २० (ब ) प्रमाणे) गुन्हा दाखल केला आहे.

Edited By : Siddharth Latkar