पुणे : गेल्या काही दिवसांपासून पुणे शहरातील कोरोना (Covid-19) रूग्णांची संख्या कमी होत आहे. त्यामुळे शहरात कोरोना निर्बंधातून शिथिलता देण्यात येत आहे. आज झालेल्या बैठकीत राज्याचे उपमुख्यमंत्री तथा पालकमंत्री अजीत पवार यांनी कोरोना आढावा बैठक घेतली त्यात त्यांनी गायन आणि इतर कार्यक्रमांना देण्यात आलेली 50 टक्के उपस्थितीची मर्यादा शिथिल करण्यात आली आहे. तसेच डिसेंबर महिन्यात आयोजित करण्यात येणाऱ्या भीमथडी जत्रेलादेखील परवानगी देण्यात आली आहे. त्याचबरोबर नाट्यगृह आणि चित्रपटगृहांना १०० टक्के उपस्थितीची परवानगी देण्यात आली आहे, त्यामुळे मराठी नाट्यसृष्टीला मोठा दिलासा मिळाला आहे.

दरम्यान, दक्षिण अफ्रिकेत (South Africa) कोरोनाचा नव्या ओमिक्रोम (Omicron)व्हेरिएंट आढळला आल्याचे बोलले जात आहे. त्या पार्श्वभूमीवर पुणे शहर आणि पिंपरी-चिंडवडमधील जंम्बो कोविड (Jumbo Covid Center) रूग्णालय सुरूच ठेण्यात येणार असल्याची माहिती पालकमंत्री अजीत पवार यांनी दिली आहे, त्याचबरोबर त्याबाबतचा निर्णय 31 डिसेंबर रोजी घेतला जाईल, अशी माहिती अजित पवार (Ajit Pawar) यांनी पत्रकार परिषदेत दिली आहे. कोरोनामुळे रखडलेले शिवाजीनगर-हिंजवडी मेट्रो काम सुरू झाले आहे. कोरोनामुळे त्याचं भुसंपादन बाकी होतं अशी माहिती अजीत पवार यांनी दिली आहे.

Edited By: Pravin Dhamale