सुशांत सावंत -

मुंबई : राष्ट्रवादीचे नेते नवाब मलिक (Nawab Malik) यांना ईडीने अटक केल्यानंतर आता त्यांच्या राजीनाम्याची मागणी जोर धरू लागली आहे. आज भाजपच्यावतीने नवाब मलिक यांच्या राजीनाम्यासाठी राज्यभर मोर्चा आयोजित करण्यात आला आहे. दादरमध्ये देखील भाजपच्या वतीने आंदोलन करण्यात येत असून, भाजप प्रदेशाध्यक्ष चंद्रकांत पाटील (Chandrakant Patil) यांनी या आंदोलनातील भाषणामध्ये त्यांनी राज्य सरकारवरती टीका केली आहे.

ते म्हणाले, ' राज्य यांच्याकडे आहे पण त्यांचाच गृहमंत्री आंदोलन करत आहे. आता पूर्वीची भाजप राहिली नाही गुन्हे कीतीही दाखल केले तरीही संघर्ष करणारी ही नवी भाजप असल्याचं ते म्हणाले. येत्या दोन दिवसात आणखी काही नेत्यांवर कारवाई हाईल, तसंच 93 च्या मुंबई बॉम्बस्फोचा प्रकरणात अहवाल पुढे यावा. तसे झालं तर जेलमध्ये जागा उरणार नाही, केंद्र सरकारला आवाहन करतो की तो अहवाल बाहेर काढावा असही पाटील यावेळी म्हणाले.

19 बंगल्यांच प्रकरण संजय राऊतांनी बाहेर काढलं आहे कारण त्यांना उद्धव ठाकरे, रश्मी ठाकरे आणि मोतोश्रीला रडावर आणायचं आहे. संजय राऊत (Sanjay Raut) शरद पवार यांच्या इशाऱ्याने काम करत आहेत. उद्धव ठाकरे ऐकत नाहीत म्हणून त्यांचं आसन डळमळीत करायच काम पवारांनी राऊताना दिलं आहे. हे १९ बंगल्याच प्रकरण काढत आहेत काढूद्या; पण हे प्रकरण सरकार घेऊन जाणार आहे, हे सरकार आता टिकत नाही. भाकितही पाटील यांनी केलं.

महिला अत्याचार, भ्रष्टाचार असे अनेक गुन्हे महाराष्ट्रातील मंत्र्यांकडून झाले. यात कमी होतो म्हणून कुटुंबातील लोक बॉंबस्फोटातील सहभाग असलेल्या लोकांशी नवाब मलिक यांचे संबंध पुढे आले आहेत.

अनिल परब (Anil Parab) बेकायदेशीर रिसॉर्ट बांधतात. हे सगळे कमी होत म्हणून मुंबई ब्लास्ट प्रकरणातील लोकांकडून जमिनी घेतल्या हा एकतेला धोका आहे. असं म्हणतच नवाब मलिक यांचा राजीनामा झाल्या शिवाय गप्प बसणार नसल्याचा इशारा देखील त्यांना यावेळी दिला.

Edited By - Jagdish Patil