चेतन इंगळे, वसई-विरार

Vasai Fire News: वसईत राहणाऱ्या एका वृद्ध दाम्पत्यावर ऐन म्हातारपणात रस्त्यावर राहण्याची वेळ आली आहे. वसईतील भुईगांव ब्रम्हपाडा येथे एका वृद्ध दाम्पत्याच्या घराला आग लागून संपूर्ण घर जळून खाक झालं आहे. त्यामुळे आता या दाम्पत्याला रस्त्यावर राहण्याची वेळ आली आहे. (Vasai Latest News)

वसईतील (Vasai) भुईगांव ब्रम्हपाडा राहणारे काशीनाथ लक्ष्मण निजाई वय ८० आणि त्यांची पत्नी पार्वतीबाई काशीनाथ निजाई वय ७५ असं या वृद्ध दाम्पत्याचं नाव आहे. हे आजी-आजोबा आपल्या झोपडी वजा घरात गेली 50 वर्षांपासून राहत होते. आज, रविवारी रात्री ३ च्या सुमारास त्यांच्या घराला अचानक आग लागली. आग (Fire) लागली तेव्हा हे दाम्पत्य गाढ झोपेत होते. त्यांच्या अंगाला चटका लागल्यावर त्यांची झोप मोडली आणि ते जळणाऱ्या घरातून कसेबसे बाहेर पडले.

आग लागल्याचं दिसताच आजूबाजूच्या लोकांनी त्यांच्या घरावर पाणी मारुन आग विझवण्याचा प्रयत्न केला, पण आग आटोक्यात आली नाही. शेवटी वसई-विरार महानगरपालिकेच्या अग्निशमन दलाच्या जवानांनी धाव घेतली आणि तब्बल ४ तासांत आग विझवली. या आगीत वृद्ध दाम्पत्याचं संपूर्ण घर जळून खाक झालं आहे. ही आग नेमकी कशाने लागली हे समजू शकले नाही. या दाम्पत्याला मूलबाळ नसल्याने शासनाने त्यांना मदत द्यावी अशी मागणी नागरिकांनी केली आहे.

Edited By - Akshay Baisane