>> प्रदीप भणगे

कल्याण : कल्याणमध्ये शिवसेना उद्धव बाळासाहेब ठाकरे पक्षाचे जनसंपर्क कार्यालय जमीनदोस्त करण्यात आले आहे. कार्यालय पाडल्याने शिवसैनिकांनी महापालिका प्रशासनाचा निषेध केला आहे. कल्याण पूर्वेच्या काटेमानेवली पुणे लिंक रोड परिसरात हे जनसंपर्क कार्यालय होते.

याठिकाणी पाच गाळे आणि संपर्क कार्यालय होते. यावर कल्याण डोबिंवली महापालिकेने बुलडोझर चालवत पाडकाम केलं. शिंदे गटात या अन्यथा तुमच्या कार्यालय तोडू असे आम्हाला सांगण्यात येत आहे. हे कार्यालय राजकीय आकसापोटी पाडले असल्याचा आरोप शिवसैनिकांनी केला आहे. याबाबत आम्ही महापालिका प्रशासनाचा त्यांनी निषेध केला.  (Latest Marathi News)

यावेळी महापालिका प्रशासनाच्या विरोधात शिवसैनिकांनी जोरदार घोषणाबाजी केली. मालकी हक्काच्या जागेवर असलेले बांधकाम कोणताही मोबदला न दिल्याने महापालिकेने कारवाई केली हे राजकीय सुडापोटी केल्याचा आरोप शिवसैनिकांनी केला. तसेच सरकार आम्हाला घाबरत असल्याने महापालिकेला पुढे करत असल्याचा आरोप ठाकरे गटाच्या कार्यकर्त्यांनी केला.

महापालिकेच्या आरक्षित जागेवर जवळपास 150-200 घरे आहेत. मात्र त्यासाठी त्यानी पूनर्वसन केले पाहिजे होतं. मात्र ठाकरे गटाचे कार्यालय असल्याने ही कारवाई केली गेली. मात्र कितीही दडपशाही केली तर आम्ही डगमगणार नाही. आम्ही उद्धव ठाकरे साहेबांच्या पाठिशी ठामपणे उभे आहोत, असं कल्याण पूर्व शहर प्रमुख शरद पाटील यांनी म्हटलं.