Pimpri Chinchwad News : तातडीच्या दुरुस्तीच्या कामासाठी उद्या (शनिवार, ता. 15) सकाळी ९ ते सायंकाळी ५ वाजेपर्यंत पिंपरी चिंचवड शहरातील पिंपरीगावचा वीज पुरवठा बंद राहणार आहे. याबाबतची माहिती महावितरणच्या अधिका-यांनी साम टीव्हीला दिली (Maharashtra News)

महावितरणने प्रसिध्दीस दिलेल्या पत्रकात पिंपरी कॅम्प भागातील पिंपरी कॅम्प (22 KV) उपकेंद्र येथे अत्यंत तातडीचे दुरुस्तीचे कामे करायची आहे. त्यामध्ये ब्रेकर पोल बदलणे, ब्रेकर सर्व्हिसिंग करणे, अपघात (accident) प्रवरण ठिकाणचे ( 22 KV) उपरीवाहिनीची दुरुस्ती करणे अशा महत्वपूर्ण कामांचा समावेश आहे.

परिणामी उद्या (शनिवार, ता. 15 जूलै) सकाळी नऊ पासून संध्याकाळी पाच वाजेपर्यंत पिंपरीगाव, वाघेरे आळी, माळी आळी, कुदळे कॉलनी, B-ब्लॉक, C-ब्लॉक, पिंपरी कॅम्प, पिंपरी मार्केट, भाटनगर, मिलिंदनगर आदी ठिकाणचा वीजपुरवठा दुरुस्तीच्या कामासाठी बंद राहणार आहे. नागरिकांनी, ग्राहकांनी याबाबतची नाेंद घेऊन सहकार्य करावे असे आवाहन महावितरणने (mahavitran) केले आहे.

Edited By : Siddharth Latkar