रश्मी पुराणिक

मुंबई : मुंबईतून एक मोठी बातमी समोर येत आहे. 31 डिसेंबर आणि नव वर्षाचे स्वागत करणाऱ्यांसाठी ही बातमी अतीशय महत्वाची आहे. मुंबईत आता समुद्रकिनाऱ्यावर संध्याकाळी 5 नंतर फिरणाऱ्यास बंदी घालण्यात आली आहे. मुंबईकरांने तुम्ही जर समुद्र किनारी फिरण्याचा विचार करत असाल तर तो रद्द करा आणि घरीच 31 डिसेंबरचे सेलिब्रेशन करा. कारण संध्याकाळी 5 नंतर घराबाहेर पडण्यास मनाई आहे.

मुंबई पोलिसांनी (Mumbai Police) नागरिकांना संध्याकाळी 5 ते दुसऱ्या दिवशी पहाटे 5 वाजेपर्यंत समुद्रकिनारे, मोकळी मैदाने, समुद्राचे दर्शनी भाग, विहार, उद्याने, किंवा सार्वजनिक ठिकाणी जाण्यास मनाई केली आहे. हा आदेश 15 जानेवारीपर्यंत लागू राहणार असल्याची माहिती मुंबई पोलिसांनी दिली आहे.

सध्या कोरोनाचा (Coronavirus) नवा व्हेरिएंट ओमिक्रॉनचा (Omicron) धोका वाढला आहे. त्यामुळे काही निर्बंध असताना लोक अजूनही कोरोनाचे नियम पाळताना दिसत नाही. आता 31 डिसेंबरच्या रात्रीपर्यंत मुंबई पोलिसांनी (Mumbai Police) नवी नियमावली जारी केली आहे. उद्यापासून मुंबईत नवी नियमावली लागू होणार आहे.

Edited By: Pravin Dhamale