मुंबई : राष्ट्रवादीचे राष्ट्रीय प्रवक्ते आणि राज्याचे अल्पसंख्यांक मंत्री नवाब मलिक यांना काल ईडीने मनी लॉंड्रिंगप्रकरणी अटक केली. त्यानंतर राज्याच्या राजकारणात एकच खळबळ माजली. भाजपकडून मलिकांच्या राजीनाम्याची मागणी करण्यात येत आहे. तर दुसरीकडे, राष्ट्रवादी मलिकांच्या मागे ठामपणे उभी असल्याचं चित्र आहे (NCP Protest In Support With Minister Nawab Malik In Presence Of Ajit Pawar).

नवाब मलिक (Nawab Malik) यांच्या समर्थनार्थ आता राष्ट्रवादी (NCP) रस्त्यावर उतरली आहे. राज्यभर राष्ट्रवादीकडून निदर्शनं करण्यात येत आहेत. मुंबईतही राष्ट्रवादीचं आंदोलन सुरुये. मुंबईतील गांधी पुतळ्याजवळ मंत्रालयाशेजारी महाविकास आघाडीकडून आंदोलन करण्यात येत आहे. राष्ट्रवादीचे बडे नेते या आंदोलनात सहभागी झालेले पाहायला मिळत आहेत.

या आंदोलनात राज्याचे उपमुख्यमंत्री अजित पवार (Ajit Pawar), महसूल मंत्री बाळासाहेब थोरात, गृहमंत्री दिलीप वळसे पाटील, हसन मुश्रीफ, विजय वडेट्टीवार, सतेज पाटील, रुपाली चकणकर, बाळासाहेब पाटील, अदिती तटकरे, निलोफर मलिक इत्यादी सर्व नेते सहभागी झाले आहेत.

Edited By - Nupur Uppal