राज्याच्या राजकीय वर्तुळातून मोठी बातमी हाती आली आहे. अशोक खरात प्रकरण रुपाली चाकणकरांना भोवल्याचे दिसत आहे. राष्ट्रवादी काँग्रेसने महाराष्ट्र महिला आयोगाच्या अध्यक्ष रुपाली चाकणकर यांना राजीनामा देण्याचे आदेश दिल्याची माहिती सूत्रांनी दिली आहे.

शेकडो महिलांचं लैंगिक शोषण करणाऱ्या भोंदूबाबा अशोक खरातच्या काळ्या कृत्याने महाराष्ट्र हादरला आहे. या प्रकरणात अशोक खरातवर कठोर कारवाईची मागणी केली जात आहे. भोंदूबाबा अशोक खरातचे पाद्य पूजन करतानाचे रुपाली चाकणकरांचे व्हिडिओ देखील समोर आले आहेत.

या फोटो आणि व्हिडिओनंतर विरोधकांनी रुपाली चाकणकर यांच्यावर कारवाईची मागणी केली जात आहे. तर त्यांच्या राजीनाम्याची देखील मागणी केली जात आहे. याचदम्यान, मुख्यमंत्री कार्यालयाने राज्य महिला आयोगाचे अध्यक्ष रुपाली चाकणकर यांना राजीनामा देण्याचे निर्देश दिल्याचे माहिती सूत्रांनी दिली आहे.

राष्ट्रवादी काँग्रेसने राजीनामा देण्याचे आदेश दिल्याची माहिती सूत्रांनी दिली आहे. अशोक खरात प्रकरणात अडचणीत आल्यानंतर चाकणकर यांना पक्षाने राजीनामा देण्याचे आदेश दिले आहेत. पक्षाने राजीनामा देण्याचे आदेश दिल्याने रुपाली चाकणकर या आणखी अडचणीत आल्याचे पाहायला मिळत आहे.

एकीकडे राजीनामा देण्याचे निर्देश दिल्याचे वृत्त आली आहे. दुसरीकडे रुपाली चाकणकर यांनी पोस्ट करत म्हटलं की,पोलीस महासंचालक सदानंद दाते यांची भेट घेतली. त्यानंतर त्यांना राज्य महिला आयोगाच्या वतीने पत्र दिले. या पत्रात खरात महिला अत्याचार प्रकरणाचा सखोल आणि वस्तुनिष्ठ तपास व्हावा. तसेच या प्रकरणाची उच्चस्तरीय चौकशी करत या प्रकरणातील सत्यता बाहेर यावी आणि आरोपीवर कारवाई होण्याकरता आपल्या स्तरावरून निर्देश देण्याबाबत सांगितले'.