सुरज सावंत

मुंबई: मुंबई उच्च न्यायालयाने ताशेरे ओढल्यानंतर, राष्ट्रवादीचे नेते आणि महाराष्ट्राचे मंत्री नवाब मलिक (Nawab Malik) यांनी NCB झोनल डायरेक्टर समीर वानखेडे (Sameer Wankhede) यांच्यावर केलेल्या वक्तव्याबद्दल बिनशर्त माफी मागितली आहे.

हे देखील पहा-

नवाब मलिक यांनी दिलेल्या निवेदनात असे लिहिले आहे की, "25 नोव्हेंबर आणि 29 नोव्हेंबर, 2021 च्या आदेशात नोंदवल्यानुसार या न्यायालयाला दिलेल्या माझ्या वचननाम्याच्या उल्लंघनाबाबत मी या माननीय न्यायालयाकडे माझी बिनशर्त माफी मागतो."

मलिक पुढे म्हणाले, "माझा अनादर, अनादर, अतिरेक किंवा या आदेशांचे उल्लंघन करण्याचा कोणताही हेतू नव्हता."

मी फक्त सरकारी सेवक पदाच्या अधिकारात वक्तव्य केली. मी वानखेडे यांच्याविषयी कोणतीही व्यक्तिगत विधाने केली नाही..." मलिक यांनी ज्येष्ठ वकील ऍस्पि चिनॉय यांच्यामार्फत हायकोर्टात म्हणणे मांडले आहे. खेद व्यक्त करत हमी देणारे प्रतिज्ञापत्र हायकोर्टात सादर केले..

अल्पसंख्याकमंत्री नवाब मलिक यांनी वानखेडे प्रकरणात मुंबई हायकोर्टात खेद व्यक्त केला आहे. मलिक यांनी यापुढे अशा प्रश्नांना उत्तर न देण्याचे आश्वासन दिले. मलिक यांनी जाणूनबुजून स्वतःच्या विधानाचा भंग केला आणि वानखेडेविरोधात बोलल्याचा निष्कर्ष न्यायालयाने काढला होता. उच्च न्यायालयाने मलिक यांच्यावर कारवाई का करू नये, असे विचारले होते. याचे मलिक यांनी छोट्या प्रतिज्ञापत्रात उत्तर दिले आहे.