- सिद्धेश म्हात्रे

Navi Mumbai News :

नवी मुंबईतील वाशी येथील धान्य पुरवठा कार्यालयात धार्मिक पूजा संपन्न झाली. या घटनेची शासकीय स्तरावर चाैकशी करावी अशी मागणी रिपब्लिकन सेनेतर्फे करण्यात आली आहे. शासकीय नियमानुसार कोणत्याही शासकीय कार्यालयात धार्मिक पूजा करता येत नाही असेही रिपब्लिकन सेनेतर्फे स्पष्ट करण्यात आले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

रिपब्लिकन सेनेचे उपाध्यक्ष ख्वाजामिया पटेल म्हणाले नवी मुंबईतील वाशी येथील धान्य पुरवठा कार्यालयात धार्मिक पूजा करण्यात आली. खरे तर शासकीय कार्यालयात धार्मिक पूज करता येत नाही, केवळ सरकारी कार्यक्रम करता येतात. (Maharashtra News)

या प्रकारामुळे संविधानाचा अपमान होत आहे असेही ख्वाजामिया पटेल यांनी नमूद केले. ते म्हणाले येथील अधिकारी नियम धाब्यावर बसवून धार्मिक पूजेचे आयोजन करत आहेत. याला आमचा विरोध आहे. याबाबत आम्ही वरिष्ठांना पत्र व्यवहार करुन कारवाईची मागणी करणार आहाेत असेही रिपब्लिकन सेनेचे राज्य उपाध्यक्ष ख्वाजामिया पटेल यांनी साम टीव्हीशी बाेलताना नमूद केले.

Edited By : Siddharth Latkar