विकास मिरगणे, नवी मुंबई

नवी मुंबईतून मोठी बातमी समोर आली आहे. नवी मुंबईच्या सायन पनवेल महामार्गावरील खारघर टोल परिसरातील कासाडी नदी पुलावरुन एक सफेद रंगाची स्विफ्ट कारचा भीषण अपघात झाला आणि ती थेट नदीत कोसळली. या घटनेत चालकाचा मृत्यू झाला असल्याचे समोर आले आहे. मृत व्यक्तीला उपजिल्हा रुग्णालय पनवेल येथे नेण्यात आले आहे.

मिळालेल्या माहितीनुसार, नवी मुंबईच्या सायन पनवेल महामार्ग खारघर खाडी पुलावरुन एक सफेद रंगाची स्विफ्ट कारचा भीषण अपघात झाला आणि ती थेट नदीत कोसळली. क्रेटा कारणे मागून धडक देऊन नियंत्रण सुटल्याने गाडी पुलाचं रेलिंग तोडून थेट 25 फूट खाली कोसळली आणि नदीच्या पाण्यात पडली.

शुक्रवार रात्री दहा वाजेच्या सुमारास हा दुर्दैवी अपघात घडल्याचे पोलिसांनी सांगितले.या घटनेत कार चालकाचा जागीच मृत्यू झाला असून मृत व्यक्तीला उपजिल्हा रुग्णालय पनवेल येथे नेण्यात आले आहे. अपघाताची माहिती मिळताच पोलिसांच्या पथकाने धाव घेत अग्निशामक दलाच्या मदतीने गाडीला पाण्यातून बाहेर काढले .

या अपघातात कारचालकाचा मृत्यू झाल्याचं सांगण्यात येत आहे, पोलिसांनी मृत व्यक्तीला जवळच्या पनवेल उपजिल्हा रुग्णालयात दाखल केलं. मात्र रोड पुलावरील या भीषण अपघातामुळे प्रचंड खळबळ माजली आहे.