Nalasopara News: नालासोपारा येथून एक मोठी खळबळजनक बातमी समोर आली आहे. शहरातील रेल्वे स्थानकाजवळ असलेल्या एका मोठ्या गटारात अज्ञात महिलेचा मृतदेह आढळून आला आहे. पोलिसांना या घटनेची माहिती देण्यात आली असून अधिक तपास सुरू आहे. (Latest Crime News)

मिळालेल्या अधिक माहितीनुसार, नालासोपारा (Nalasopara) पूर्व येथील रेल्वे कॅम्पाउंडच्या बाजूला असलेल्या गटारात एका अज्ञात महिलाचा मृतदेह आढळून आला आहे. सकाळी एक सफाई कामगार गटार सफाई करण्यासाठी येथे आला होता. त्यावेळी एक महिला गटरात पडल्याचे दिसले. कोणीतरी महिला गटारात पडली आहे असं समजून तिला वाचवण्यासाठी सफाई कर्मचारी पुढे आला मात्र या महिलेचा मृत्यू झाला होता.

गटरात असेल्या महिलेचा मृत्यू झाल्याचे लक्षात येताच सफाई कर्मचारी हादरून गेला. गटारात (Drain) मृतदेह असल्याची माहिती परिसरात वाऱ्याच्या वेगाने पसरली. तसेच अनेक व्यक्तींनी हे पाहण्यासाठी मोठी गर्दी केली. अशात सफाई कर्मचाऱ्याने तात्काळ पोलिसांना फोन करत सदर माहिती दिली होती.

घटनेची माहिती मिळताच पोलिसांनी घटनास्थाळी धाव घेताली. आचोळे पोलीस घटनास्थळी दाखल होत अग्निशमन दलाच्या जवानांच्या मदतीने मृतदेह गटारातून बाहेर काढला आहे. तसेच तिचा मृतदेह शवविच्छेदनसाठी पाठवण्यात आला आहे. सदर महिला नेमकी कोण होती? तिची ओळख अद्याप समोर आलेली नाही, पोलीस या संदर्भात अधिक तपास करत आहेत.