नालासोपारा: संतोष भवन परिसरातील मुख्य रस्त्यावर मंगळवारी दुचाकी स्लीप झाल्याने टँकरखाली चिरडून एका तरुणाचा मृत्यू झाल्याची घटना घडली आहे. मृत तरुणाच्या दुचाकीच्या पाठीमागे बसलेला तरुण जखमी झाला असून त्याला उपचारासाठी रुग्णालयात (Hospital) दाखल करण्यात आलं आहे. ही घटना घडल्यावर स्थानिकांनी टँकर चालकाला चोप देवून तुळींज पोलिसांच्या (Tulinj Police) ताब्यात दिले आहे.

मिळालेल्या माहितीनुसार, ओस्तवाल नगरीच्या साई निवास चाळीत राहणारा अनिलकुमार राम मनोरथ (१७) आणि त्याचा मित्र राहुल पन्नालाल चव्हाण (१९) हे दोघे दुचाकीवरून जात होते. संतोष भवनच्या पेट्रोल पंपाजवळ मंगळवारी पाणी वाहतूक करणाऱ्या भरधांव टँकरच्या खाली त्यांची दुचाकी आल्याने अनिलकुमार या तरुणाचा मृत्यू झाला आहे. तर त्याच्या गाडीवर पाठीमागे बसलेला मित्र राहुल जखमी झाला आहे.

पाहा व्हिडीओ -

संतोष भवन परिसरातील मुख्य रस्त्यावर काल मंगळवारी जास्त वाहतूक कोंडी असल्याने अनिलकुमार याने आपली दुचाकी विरुद्ध दिशेने आणून टँकरला कट मारण्याचा प्रयत्न केला असता त्याची बाईक स्लीप झाली आणि तो गाडीसहीत टँकरखाल गेल्यामुळे त्याचा मृत्यू झाला असल्याचं प्रत्यक्षदर्शीनी सांगितलं तर संतप्त स्थानिक नागरिकांनी टँकर चालकाला चोप देऊन पोलिसांच्या (Police) ताब्यात दिलं आहे.

Edited By - Jagdish Patil