पुणे: राज्यात फेब्रुवारीमध्ये महापालिका निवडणुकांचं बिगुल वाजणार हे निश्चित झालं आहे. एक प्रभाग एक नगरसेवक यासंदर्भात निवडणूक आयोगाने अध्यादेश काढला होता. मात्र दोन सदस्य प्रभाग पद्धती असावी अशी मागणी राष्ट्रवादीची आहे, तर कोणत्याही प्रभागपद्धतीत निवडणूक लढण्यास आपण तयार असल्याचे भाजपने म्हटलंय आहे. दरम्यान विधानसभा निवडणुकीच्या वेळी यांची छुपी युती होती आता एकत्र लढले तर उघडपणे असेल इतकाच फरक आहे, असा आरोप भाजपने केला आहे.

आगामी पालिका निवडणुकीत महाविकास आघाडीने एकत्रित निवडणूक लढवली तरी फरक पडणार नाही अशी प्रतिक्रिया पालिकेतील सत्ताधारी भाजपने दिली आहे. तर राज्याप्रमाणे एकत्रित किंवा स्वबळावर निवडणूक लढवण्याची राष्ट्रवादी ची ही तयारी असल्याचं राष्ट्रवादी चे शहराध्यक्ष प्रशांत जगताप यांनी सांगितले आहे. राज्यात ओबाीसी आरक्षणावरुन स्थानीक स्वराज्य संस्थांची निवडणूत वादात ठरली होती. परंतु राज्यसरकार नवा अध्यादेश काढणार असल्याचं जाहिर केलं होतं. त्यामुळे राज्यातील महत्त्वाच्या समजल्या जाणाऱ्या महानगरपालिका, जिल्हा परिषदा यांच्या निवडणूका होणार आहेत.

Edited By: Pravin Dhamale