पश्चिम द्रुतगती महामार्गावर वांद्रेकडून अंधेरीचे दिशेने जाणारा मार्गावर मागील एक ते दीड तासापासून मोठी वाहतूक कोंडी निर्माण झाली आहे. वांद्रे,खेरवाडी,वाकोला,विलेपार्ले,अंधेरी या सर्व परिसरात रस्त्यावर वाहनांचा लांबच लांब रांगा पाहायला मिळत आहे. रस्त्याच्या क्षमता पेक्षा जास्त गाड्या पश्चिम द्रुतगती महामार्गावर उतरल्यामुळे ही मोठी वाहतूक कोंडी निर्माण झाली आहे.

वांद्रे ते अंधेरी अर्धा तासाच्या प्रवास मात्र वाहन चालकांना दीड ते दोन तासांमध्ये प्रवास करावा लागत आहे. खरंतर संध्याकाळची वेळ आहे, मोठा संख्येने चाकरमानी कामावरून घरी निघाले आहेत, मात्र या वाहतूक कोंडीमुळे दीड तासापासून एकाच जागी अडकून पडलेत. तर दुसरी बाजूने ही वाहतूक कोंडी कमी करण्यासाठी वाहतूक पोलिसांकडून देखील युद्ध पातळीवर प्रयत्न केला जात आहे.