Summary -

• मुंबईत ‘झोम्बी ड्रग्ज’ची भीती वाढली

• मिरा-भाईंदरमधील व्हिडीओमुळे खळबळ

• तरुणाईसाठी मोठा आरोग्य आणि सुरक्षा धोका

मुंबईला एका नव्या ड्रग्जच्या विळख्यानं घेरलयं. झोम्बीसदृश्य ड्रग्जमुळे तरुणाईचा जीव कसा धोक्यात आलाय. जीवंतपणी पुतळा बनवणारा झोम्बी ड्रग्ज नेमका काय आहे? पाहूयात या स्पेशल रिपोर्टमधून...

हॉलिवूड चित्रपटात आपण पाहिलेले 'झॉम्बी' आता प्रत्यक्षात मुंबईच्या रस्त्यांवर उतरले का? असा प्रश्न आता उपस्थित झालाय. बेंगळुरू, चंदीगड आणि बिहारनंतर आता मिरा-भाईंदरमध्ये एक धक्कादायक प्रकार समोर आलाय. भररस्त्यात एक तरुण पुतळ्यासारखा एकाच जागी वाकून उभा आहे, हालचाल नाही की शुद्ध नाही.

दरम्यान अवघ्या 2 तासात स्वतःवरचा कंट्रोल घालवून मागे पुढे झिंगायला लावणारा आणि उभ्या उभ्याच बेशुद्ध करणारा झोम्बी ड्रग्ज देशात वेगानं पसरतं असल्याचं पाहयला मिळतयं. अमेरिकेनं गाई आणि घोड्यांना भूल देण्यासाठी तयार केलेल्या झायलझीननं लॅटिन अमेरिकेत हैदोस घातला होता. आता याच ड्रग्जचा भारतातही कसा शिरकाव झालाय ते पाहूयात...

जनावरांना भूल देण्यासाठी बनवलेलं झायलाझीन हे ड्रग्ज स्वस्त किंमतीत मिळतं. व्हेटर्नरी मेडिकलमध्ये सहज उपलब्ध असतं... हे ड्रग्ज फेन्टाईल या अतिशय घातक ड्रग्जसोबत घेतलं जातं. त्यामुळे त्याची नशा अनेक तास टिकते. आणि व्यक्ती कित्येक तास एकाच जागी स्थिर राहते. एवढंच नाही तर या ड्रग्जच्या ओव्हरडोसमुळे मृत्यूही ओढवू शकतो.

नेस्कोमधील ड्रग्ज प्रकरणानं आधीच पोलीस प्रशासनाची झोप उडालीय. अशातच भविष्यात झोम्बी ड्रग्जनं तरुणाईला विळखा घातला तर परिस्थिती आणखी भयंकर होऊन जाईल. त्यामुळे सरकार आणि पोलीस प्रशासनाला युद्धपातळीवर झोम्बी ड्रग्जमाफियांची पाळमुळं उखडून टाकणं गरजेचं आहे.