मुंबई - उपनगरीय लोकल रेल्वेच्या दुरुस्ती आणि अन्य कामांसाठी आज मेगा ब्लॉक घेण्यात येणार आहे. रविवारी (6 फेब्रुवारी) मध्य रेल्वे अंतर्गत येणाऱ्या हार्बर मार्गावर मेगा ब्लॉक असणार आहे. रविवारी वाशी, बेलापूर आणि पनवेलच्या दिशेने जाणाऱ्या आणि सीएसएमटी इथून सकाळी १०.४८ ते दुपारी ४.४३ वाजेपर्यंत वांद्रे आणि गोरेगावसाठी सुटणाऱ्या डाउन हार्बर मार्गावर मेगाब्लॉक (Megablock) असणार आहे.

हे देखील पहा -

तर चुनाभट्टी आणि वांद्रे ते छत्रपती शिवाजी महाराज टर्मिनस अप हार्बर मार्गावर सकाळी ११.१० ते दुपारी ४.१० पर्यंत सेवा रद्द राहतील. सीएसएमटी आणि वडाळा रोड येथून सकाळी ११.१६ ते दुपारी ४.४७ पर्यंत मेगाब्लॉक असणार आहे. तर हार्बर मार्गावर छत्रपती शिवाजी महाराज टर्मिनस ते चुनाभट्टी/वांद्रे या स्थानकादरम्यान सकाळी ११.४० ते दुपारी ४.४० पर्यंत मेगाब्लॉक असणार आहे.

Edited By - Shivani Tichkule