रश्मी पुराणिक
मुंबई : न्यायालयाच्या आदेशानंतर फरारी नोटीस देण्यासाठी मुंबई पोलिसांचे Mumbai Police पथक सोमवारी मुंबईचे माजी पोलिस आयुक्त परमबीर सिंह Parambir Singh's Home यांच्या घरी पोहोचले. घरात कोणीच नसल्यामुळे दारावर नोटीस चिकटवून पोलीस परतले. पोलिसांनी ही नोटीस प्रथम परमबीर सिंग यांच्या जुहू येथील फ्लॅटवर चिकटवली, त्यानंतर गुन्हे शाखेच्या चार-पाच अधिकाऱ्यांचे पथक नोटीस घेऊन मलबार हिल येथील त्यांच्या दुसऱ्या घरात पोहोचले. त्यानंतर नोटीस चिकटवून गुन्हे शाखेचे पथक निघून गेले आहेत.
हे देखील पहा-
परमबीर सिंग यांना सर्वोच्च न्यायालयाकडून दिलासा;
सर्वोच्च न्यायालयाने सोमवारी मुंबईचे माजी पोलीस आयुक्त परमबीर सिंग यांना महाराष्ट्रातील गुन्हेगारी गुन्ह्यांमध्ये अटकेपासून संरक्षण दिले. त्याचवेळी पोलीस अधिकारी आणि खंडणीखोरांवर गुन्हे दाखल करून सर्वसामान्यांचा छळ होत असेल तर त्याचे काय होणार, याबाबत न्यायालयाने आश्चर्य व्यक्त केले.
परमबीर सिंग यांच्या याचिकेवर सर्वोच्च न्यायालयाने महाराष्ट्र सरकार, पोलीस महासंचालक (डीजीपी) संजय पांडे आणि सीबीआयला नोटीस बजावली आहे. सर्वोच्च न्यायालयाने असे निरीक्षण नोंदवले की राज्याचे माजी गृहमंत्री अनिल देशमुख आणि सिंग यांच्यावर लावलेल्या भ्रष्टाचाराच्या आरोपांच्या चौकशीला सामोरे जाणारे सिंग यांचा समावेश असलेला खटला दिवसेंदिवस वेगळे वळण घेत आहे.
परमबीर सिंग यांच्या जीवाला धोका;
या प्रकरणात न्यायमूर्ती संजय किशन कौल आणि न्यायमूर्ती एमएम सुंदरेश यांच्या खंडपीठाने 19 नोव्हेंबरला 'तुम्ही कुठे आहात हे कळेपर्यंत कोणतेही संरक्षण नाही, सुनावणी होणार नाही' असे म्हटले होते. सोमवारी या प्रकरणाची सुनावणी सुरू होताच ज्येष्ठ वकील पुनीत बाली यांनी खंडपीठाला माहिती दिली की, सिंग यांना फरार व्हायचे नाही आणि ते भारतात आहेत, पण त्यांच्या जीवाला धोका आहे. मुंबई पोलिसांपासून माझ्या जीवाला धोका आहे, असे मुंबईचे माजी पोलिस आयुक्त सांगत असतील, तर इतर लोकांच्या विश्वासाचे काय होणार, असे खंडपीठाने म्हटले होते.
Edited By-Pravin Dhamale
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.