सुरज मासुरकर, प्रतिनिधी...

Nitin Gadkari News: मराठी पत्रकार परिषदेच्या वतीने देण्यात येणारा यावर्षीचा बाळशास्त्री जांभेकर जीवनगौरव पुरस्कार ज्येष्ठ पत्रकार प्रकाश बाळ जोशी यांना जाहीर झाला. केंद्रीय रस्ते वाहतूक व महामार्गमंत्री नितीन गडकरी यांच्या हस्ते आज हा पुरस्कार दिला गेला. यावेळी बोलताना नितीन गडकरी यांनी पत्रकारांच्या अडचणी आणि विविध मुद्द्यांवर भाष्य केले. (Nitin Gadkari Mumbai News)

याबाबत अधिक माहिती अशी की, मुंबईतील यशवंतराव चव्हाण सभागृहात मराठी पत्रकार परिषदेचा पुरस्कार वितरण सोहळा पार पडला. यावेळी ९ दिग्गजांचा केंद्रीय मंत्री नितीन गडकरी (Nitin Gadkari) यांच्या हस्ते सन्मान केला गेला. यावेळी बोलताना नितीन गडकरी यांनी विविध विषयांवर प्रखड भाष्य केले.

काय म्हणाले नितीन गडकरी...

"भविष्याचा संबध ज्ञानाशी आहे आणि त्याचा संबध हा कम्युनिकेशनशी आहे. असे म्हणत हजारो लोकांमध्ये आत्मविश्वास निर्माण पत्रकार करु शकतात. मात्र सत्य मांडण्याची किंमत या पत्रकारांना मोजावी लागते आणि महाराष्ट्रात अश्या पत्रकारांचा असा इतिहास आहे," असे प्रतिपादन केंद्रीय मंत्री नितीन गडकरी यांनी केले.

तसेच यावेळी पुढे बोलताना "पत्रकारांना नाव मिळते पण त्या प्रमाणात पैसे मिळत नाहीत. जेवढी स्टेबिलिटी पत्रकारांना मिळायला पाहिजे ती मिळत नाही.. असे म्हणत जो पर्यंत काम चालू तो पर्यंत नाव आणि पैसे मिळतात काम थांबल्यावर काही मिळत नाही. पण मी नक्कीच यावर विचार करेन..." असे आश्वासनही त्यांनी यावेळी दिले.

दैनिक सकाळच्या पत्रकाराचा गौरव...

दरम्यान, या कार्यक्रमात दैनिक सकाळचे (Skal) पत्रकार मारुती कंदले यांचाही गौरव करण्यात आला. मारुती कंदिले यांना प्रमोद भागवत शोध पत्रकारिता पुरस्कार देवून केंद्रीय मंत्री नितीन गडकरी यांच्या हस्ते सन्मान करण्यात आला. (Latest Marathi News)