सचिन गाड

Mumbai News: मुंबईत नार्कोटिक्स कंट्रोल ब्युरोने मोठी कारवाई केली आहे. नार्कोटिक्स कंट्रोल ब्युरोने मुंबईच्या डोंगरीच्या एएमआर रिजनमधील मोठ्या अंमली पदार्थ तस्करांना अटक केली आहे. नार्कोटिक्स कंट्रोल ब्युरोने तस्करांकडून ५० कोटी किमतीचे 20 किलो अंमली पदार्थ जप्त केले आहे. (Latest Marathi News)

मिळालेल्या माहितीनुसार, नार्कोटिक्स कंट्रोल ब्युरोच्या मुंबई विभागाने डोंगरीत मोठी कारवाई केली आहे. नार्कोटिक्स कंट्रोल ब्युरोने डोंगरीतील अंमली पदार्थ तस्करांचं जाळ उद्ध्वस्त करत तिघांना अटक केली आहे. या तस्करामध्ये एका महिलेचा देखील सामावेश आहे.

नार्कोटिक्स कंट्रोल ब्युरोने (NCB) दोन वेगवेगळ्या कारवाईमध्ये तिघांना अटक केली आहे. यांच्याकडून ५० कोटी किमतीचे २० किलो अंमली पदार्थ जप्त करण्यात आले आहे. नार्कोटिक्स कंट्रोल ब्युरोने एमएमआर रिजनमधील या मोठ्या ड्रग्स तस्करांना अटक केली आहे. अंमली पदार्थांसहित एक कोटी २० लाख रुपये आणि सोने देखील जप्त केलं आहे.

नार्कोटिक्स कंट्रोल ब्युरोने डोंगरीतील तस्कर एन. खान याला पकडण्यासाठी जाळं तयार केलं होतं. त्यानंतर डोंगरीतून तस्कर एन. खानला अटक केली. एन. खानला पकडण्यासाठी नार्कोटिक्स कंट्रोल ब्युरोने काही दिवसांपूर्वीच माहिती मिळवली होती.

मिळालेल्या माहितीनुसार, तिन्ही आरोपींच्या चौकशीनंतर तिघेही गेल्या सात ते दहा वर्षांपासून अंमली पदार्थांची तस्करी करायचे. नार्कोटिक्स कंट्रोल ब्युरोच्या अटकेत तस्कर महिलेने अनेक शहरात जाळं तयार केलं होतं. या जाळ्याच्या माध्यमातून ही महिला अंमली पदार्थांची विक्री करत होती.

नार्कोटिक्स कंट्रोल ब्युरोला तस्कर महिलेचा घराचा पत्ता कळाल्यानंतर तिच्या घरावर छापा टाकला. त्यानंतर तिच्या घरातूनच १५ किलो अंमली पदार्थ जप्त करण्यात आले. अंमली पदार्थ तिने घरात लपवून ठेवले होते. नार्कोटिक्स कंट्रोल ब्युरोने घरातील अंमली पदार्थ शोधले. नार्कोटिक्स कंट्रोल ब्युरोने डोंगरी भागात केलेली कारवाई मोठी मानली जात आहे.