मुंबई आणि ठाण्याला जोडणाऱ्या मेट्रोसाठी कारशेडचा मार्ग मोकळा झालाय. मेट्रो लाइन ४ वर ३२ तर ४अ वर २ स्थानकं आहेत.कासारवडवली ते गायमुखपर्यंत मेट्रो ४अ चा विस्तार करण्यात आला आहे. वडाळा- मुलुंड- ठाणे- कासारवडवली- गायमुख मेट्रो-४ आणि ४ए मार्गासाठी मोघरपाडा येथील कार डेपोला जोडणारा रस्ता व जोड मार्गिका बांधण्यासाठी आवश्यक ०.३९ हेक्टर खारफुटी वनक्षेत्र एमएमआरडीएकडे हस्तांतरित करण्याचा निर्णय महसूल व वन विभागाने घेतलाय.

या प्रस्तावाला केंद्रीय पर्यावरण, वन व हवामान बदल मंत्रालयाच्या नागपूर प्रादेशिक कार्यालयाकडून मंजुरी देण्यात आली आहे. या निर्णयामुळे मेट्रो कारशेडकडे ये-जा करण्यासाठी आवश्यक रस्त्याच्या कामाचा मार्ग मोकळा झालाय.

भूसंपादन प्रक्रिया पूर्ण झाली

ठाणे मेट्रो प्रकल्पासाठी मोघरपाडा येथे मेट्रो कारशेड उभारण्यासाठी आवश्यक भूसंपादन प्रक्रिया पूर्ण झालीय. या कार डेपोपर्यंत पोहोचण्यासाठी ६५ मीटर लांबीचा अॅप्रोच रोड, जोड मार्गिका तसेच, संबंधित बांधकाम विकसित केले जाणार आहे. ही जमीन एमएमआरडीएच्या माध्यमातून वापरण्यात येणार आहे. त्यासाठी हस्तांतरण आवश्यक होते. पण या परिसरात कांदळवन असल्याने वनविभागाकडूनच ही जमीन हस्तांतरित करावी लागलीय.

मुंबईला ठाणे शहराशी जोडणारी मेट्रो मार्गिका ४ अंतर ३२ किमी लांबी आहे. ग्रीन लाइनमुळे शहरातील पूर्वीतील उपनगरांना जोडणी मिळणार आहे. वडाळा ते कासारवडवलीपर्यंत जोडणाऱ्या या मार्गिकेमुळे एलबीएल मार्ग आणि पूर्व द्रुतगती महामार्गावरील वाहतूककोंडी कमी होणार आहे.

कासारवडवलीपासून गायमुखपर्यंत मेट्रो मार्गिका ४अ तयार केली असेल. मेट्रो मार्ग ४ अ काम पूर्ण होत आले आहे. ४ ब चं बांधकाम सुरू होणार आहे. ऑगस्ट २०२६ पर्यंत हा मार्ग खुला होण्याची शक्यता आहे. गायमुखपर्यंत मार्ग २०२९ /२०३० पर्यंत प्रवासासाठी खुला होईल अशी शक्यता वर्तवण्यात येत आहे.

कोणत्या स्थानकांचा समावेश

मेट्रो मार्गिका ४ वर एकूण ३२ स्थानकं आहेत.

भक्ती पार्क मेट्रो,

वडाळा टीटी,

अनिकनगर बस डेपो,

समुन नगर,

सिद्धार्थ कॉलनी,

अमर महाल जंक्शन,

गरोदिया नगर,

पंत नगर,

लक्ष्मी नगर,

श्रेयस सिनेमा,

गोद्रेज कंपनी,

विक्रोळी मेट्रो,

सूर्य नगर,

गांधी नगर,

नॅवल हाऊसिंग,

कांजुरमार्ग पश्चिम,

भांडुप पश्चिम,

शंग्रिला,

सोनापूर,

मुलुंड अग्निशमन केंद्र,

मुलुंड नाका,

तीन हात नाका,

ठाणे आरटीओ,

महापालिका मार्ग,

कॅडबरी जंक्शन,

माजिवाडा,

कापुरबावडी,

मानपाडा,

टिकूजी-नी-वाडी,

डोंगरीपाडा,

कासारवडवली या स्थानकांचा समावेश आहे.