संजय गडदे, साम टीव्ही

Mumbai Fire : मुंबईत आगीचं सत्र सुरुच आहे. मुंबईच्या वांद्रे परिसरात आग लागल्याची घटना घडली आहे. या परिसरातील झोपड्यांना आग लागली आहे. या आगीमुळे परिसरात धुराचे प्रचंड लोट पाहायला मिळत आहे. आग लागल्याची घटना घडताच अग्निशमन दलाच्या ३ गाड्या घटनास्थळी पोहोचल्या.

मिळालेल्या माहितीनुसार, मुंबईच्या वांद्र पूर्व भागात भीषण आग लागल्याची घटना घडली होती. मुंबईच्या वांद्रे पूर्व भागातील भारत नगर परिसरात ही मोठी आग लागली आहे. भारतनगर परिसरातील खाडी किनाऱ्यावरील तिवराचे जंगल आणि कचराकुंडीला मोठी आग लागली आहे. भारतनगर परिसरात लागलेल्या आगीमुळे धुराचे प्रचंड मोठं लोट पसरले आहे. आग लागल्याची माहिती परिसरात बघ्यांची मोठी गर्दी पाहायला मिळाली. या भीषण आग लागल्याच्या घटनेनंतर ३ गाड्या घटनास्थळी पोहोचल्या आहेत.

मुंबईच्या वांद्रे पूर्व भागात असलेल्या तीवराच्या जंगाला ही आग लागली. या लागलेल्या आगीत तीवरा जंगलाचे मोठ्या प्रमाणावर नुकसान झालं आहे. परिसरात धुराच या आगीच २५ ते ३० कच्च्या झोपड्या जळून खाक झाल्या आहेत. या आगीत सुदैवाने जीवितहानी झालेली नाही. लागलेल्या आगीमुळे परिसरात एकच धावपळ उडाली. अग्निशमन दलाचे जवानांनी घटनास्थळी पोहोचून आगीवर नियत्रंण मिळवण्यास सुरुवात केली. या जवानांनी पाण्याचा फवारा मारण्यास सुरुवात केली.

तीवराच्या जंगलाला लागलेल्या आगीनंतर परिसरात आकाशात धुराचे लोट पसरले. या भीषण आगीत जंगलातील झाडांचं मोठं नुकसान झालं आहे. आगीमुळे जंगलासहित झोपड्या जळून खाक झाल्या आहेत. या आगीमुळे परिसरातील काही लोक घराबाहेर आले. या भीषण आगीमुळे लोकांमध्ये दहशत पसरली होती. मात्र, अग्निशमन दलाच्या जवानांनी वेळीच पोहोचून आगीवर नियत्रंण मिळवण्यास सुरुवात केली.