Mumbai Rain News File photo
मुंबई/पुणे

Mumbai Rain Video : मुंबईकरांचे हाल, मुसळधार पावसाचा रेल्वे वाहतुकीला फटका, लोकल ट्रेन उशिराने

Mumbai Local Train News : मुंबईसह ठाणे परिसरात मुसळधार पावसाला सुरुवात झाली आहे. या मुसळधार पावसाचा रेल्वे वाहतुकीलाही फटका बसला आहे. पावसामुळे लोकल ट्रेनही उशिराने धावत आहेत.

Vishal Gangurde

विकास काटे, साम टीव्ही प्रतिनिधी

ठाणे : ठाणे जिल्हा परिसरात मुसळधार पावसाला सुरुवात झाली आहे. पावसामुळे रस्त्यावरही पाणी साचले आहेत. अचानक आलेल्या मुसळधार पावसाने नागरिकांची तारांबळ उडाली आहे. या मुसळधार पावसाचा रेल्वे वाहतुकीलाही फटका बसला आहे. गुरुवारी सकाळी पश्चिम रेल्वेनंतर आता मध्य रेल्वेलाही पावसाचा फटका बसला आहे. यामुळे ठाण्यातून मुंबईच्या दिशेने जाणाऱ्या लोकल ट्रेन उशिराने धावत आहेत.

मध्य रेल्वे वाहतूक उशिराने

मुंबईसह ठाणे परिसरात सकाळपासून पडणाऱ्या पावसाचा रेल्वे वाहतुकीला मोठा फटका बसला आहे. मुसळधार पावसामुळे मुंबईत पश्चिम रेल्वे आणि मध्य रेल्वे या दोन्ही मार्गांना फटका बसला आहे. एकीकडे पश्चिम रेल्वे विस्कळीत झाली आहे. तर मध्य रेल्वेही ठाण्याकडून मुंबईकडे १५ मिनिटे उशिराने धावत आहेत. त्यामुळे सकाळी ठाण्याकडून मुंबईच्या दिशेने कामाला जाणाऱ्या नोकरदारांना उशिरा ऑफिस गाठावं लागलं आहे.

पश्चिम रेल्वेची वाहतूकही उशिराने

मुसळधार पावसाचा पश्चिम रेल्वेलाही फटका बसला आहे. पश्चिम रेल्वेवरील वाहतूकही १० ते १५ मिनिटे उशिराने धावत आहेत. विरारसहित पालघरमध्येही मुसळधार बरसणाऱ्या पावसाचा रेल्वे वाहतुकीला फटका बसला आहे. यामुळे पश्चिम रेल्वेवरून प्रवास वाहतूक करणाऱ्या प्रवासी, नोकरदारांना उशिरा कार्यालय गाठावं लागलं आहे.

पावसामुळे डहाणू-विरार लोकल सेवा २५ ते ३० मिनिटे उशिराने धावत आहेत. ट्रॅकजवळ पाणी साचल्याने पश्चिम रेल्वेची डहाणूपर्यंतची लोकल सेवा धीम्या गतीने सुरु आहे. जिल्ह्यात पावसाचा जोर अजूनही कायम असल्याची माहिती मिळत आहे.

कल्याण, बदलापुरात तुफान पाऊस

उल्हासनगर, अंबरनाथ ,बदलापूर आणि कल्याण-डोंबिवलीमध्ये अनेक दिवसांपासून पावसाची रिपरिप सुरू होती. मात्र आज सकाळपासून मुसळधार पावसाला सुरुवात झाली आहे. कल्याणमध्ये मागील अर्ध्या तासापासून जोरदार पाऊस सुरू असल्याने काही रस्त्यांवर पाणी साचल्याचं पाहायला मिळतंय.

सकाळपासून सुरू असलेल्या पावसामुळे नोकरदार वर्गाची चांगलीच तारांबळ उडाली आहे. कल्याण पूर्व परिसरात रस्त्यांवर पाणी साचल्याने अनेक ठिकाणी वाहतूक कोंडी निर्माण झाली आहे. त्यामुळे वाहतूक पोलीस ही कोंडी काढण्यासाठी रस्त्यावर उतरल्याचे पाहायला मिळत आहे.

मुंबईला पाणीपुरवठा करणाऱ्या धरण क्षेत्रात पावसाची रिमझिम

मुंबईला पाणीपुरवठा करणाऱ्या शहापूर तालुक्यातील धरण क्षेत्रात सकाळपासून पावसाची रिमझिम सुरू आहे. २० जून उजाडलं तरी, मुंबईला पाणीपुरवठा करणाऱ्या धरण क्षेत्रात पावसाला सुरुवात झाली नव्हती. मात्र, आज सकाळपासून शहापूर तालुक्यात पावसाला सुरुवात झाली आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Aare Ware Beach : पावसाळ्यात 'आरे-वारे' बीचचं सौंदर्य फॉरेनपेक्षा कमी नाही

Maharashtra Live News Update: उपमुख्यमंत्री अजित पवार अहिल्यानगरमध्ये दाखल

Pune Rave Party: आधी हॉटेलची रेकी, नंतर आखला एकनाथ खडसेंच्या जावयाला अडकविण्याचा डाव; खेवलकरांच्या वकिलांचा धक्कादायक खुलासा

Beed Shocking : बीडमध्ये आणखी एक वैष्णवी जीवाला मुकली, सासरच्या छळाला कंटाळून २० वर्षीय विवाहितेने आयुष्य संपवलं

Rave Vs Party : पार्टी आणि रेव्हमध्ये काय फरक आहे?

SCROLL FOR NEXT