लोकलने प्रवास करणाऱ्या प्रवाशांसाठी महत्त्वाची बातमी आहे. मध्य रेल्वेची वाहतूक पुन्हा एकदा विस्कळीत झालीय. या मार्गावरील लोकल तब्बल अर्धा तास उशिराने धावत आहे. लोकल रेल्वे उशिराने धावत असल्याने नोकरदारांचे हाल होत आहेत. मिळालेल्या माहितीनुसार, तांत्रिक बिघाडामुळे मध्यरेल्वेची वाहतूक विस्कळीत झालीय. लोकल ट्रेन उशिराने धावत असल्याने रेल्वे स्टेशनवर प्रवाशांची तोबा गर्दी होतेय. प्रवाशांच्या गर्दीवर आरपीएफ रेल्वे पोलिसांकडून नियंत्रण मिळवलं जात आहे. लोकल ट्रेन वाहतूक विस्कळीत झाल्याने चाकरमान्यांचे हाल हो आहेत.

मध्य रेल्वेच्या वाहतुकीवर लोकलवर परिणाम

दरम्यान याआधी वादळी वाऱ्यामुळे मध्य रेल्वेच्या वाहतुकीवर लोकलवर परिणाम झाला होता. आटगाव आणि थानशेत स्टेशनच्या दरम्यान ओव्हर हेड वायरमध्ये पत्रा अडकल्याने रेल्वे वाहतूक सेवा खोळंबली होती. वेगाने वाहणाऱ्या वाऱ्यामुळं एका शेडचा पत्रा उडून ओव्हर हेड वायरवर येऊन पडला. यामुळे कसऱ्याहून कल्याणकडे येणाऱ्या वाहतुकीवर परिणाम झाला. एक लोकल १५ मिनिटे तर त्यामागे एक एक्सप्रेसला ८ मिनिटे उशिर झाला होता.