Mumbai Kings Circle Railway Bridge Accident : मुंबईकरांनो...! तुम्ही जर किंग्ज सर्कलच्या दिशेने जाणार असाल, तर तुमच्यासाठी महत्वाची बातमी आहे. कारण, सायन (Mumbai) येथील किंग सर्कलच्या पुलाला धडकून एका ट्रकचा मोठा अपघात झाला आहे. या धडकेत रेल्वे पुलाचा खांब तुटून खाली पडल्याने वाहतूक मंदावली आहे. यासंदर्भातील माहिती मुंबई वाहतूक पोलिसांनी दिली आहे.

अपघाताची माहिती मिळताच, वाहतूक पोलिसांसह आरपीएफ पोलीस घटनास्थळी दाखल झाले आहेत. पुलाखाली अडकलेला अपघातग्रस्त ट्रक (Truck Accident) बाजूला घेण्याचं काम सुरू आहे. मिळालेल्या माहितीनुसार ट्रकची धडक एवढी जोरदार होती की, रेल्वे पुलाचा संपूर्ण पिलर तुटून खाली पडला.

दरम्यान, या भीषण अपघातामुळे दक्षिणेकडे जाणाऱ्या वाहतुकीचा खोळंबा झाला होता. सकाळच्या दरम्यान सायन गांधी मार्केट येथील पुलाच्या एकाबाजूने वाहतूक पूर्णपणे बंद करण्यात आली होती. या अपघातात रेल्वे पुलाचे मोठे नुकसान झाले आहे.

अपघाताची माहिती मिळताच, घटनास्थळी वाहतूक पोलिसांनी धाव घेतली. सध्या अपघातग्रस्त ट्रकला बाजूला घेण्याचे काम सुरू आहे. जेणेकरून या परिसरातील वाहतूक सुरळीत होऊन वाहनचालकांना कोणत्याही प्रकारचा अडथळा येणार नाही. यासंदर्भातील माहिती मुंबई वाहतूक पोलिसांनी दिली आहे.

Edited By - Satish Daud