मुंबई : मुंबईतील (Mumbai) जुहू चौपाटी परिसरातून एक धक्कादायक बातमी समोर आली आहे. जुहू चौपाटीवर (Juhu Beach) फिरायला गेलेल्या मुलांना पाहण्यात उतरण्याचा मोह आवरला नाही. पाण्यात पोहण्यासाठी उतरताच तीन जणांचा (Three Boys Drown) बुडून मृत्यू झाला आहे. ही धक्कादायक घटना मंगळवारी दुपारी 3 वाजेच्या सुमारास घडली. घटनेची माहिती मिळताच अग्निशमन दलातील कर्मचारी आणि पोलीस घटनास्थळी दाखल झाले. या बुडालेल्या तिन्ही तरुणांचा शोध घेतला जात आहे. (Mumbai Juhu Beach Three Boys Drown Including Two Brothers)

आनन सिंह (वय 21), कौस्तुभ गुप्ता (वय 18) आणि प्रथम गुप्ता (वय 16) असे बुडालेल्या मुलांची नाव आहेत. धक्कादायक बाब म्हणजे यातील कौस्तुभ आणि प्रथम हे दोघेही सख्ख्ये भाऊ असल्याची माहिती आहे. घटनेची माहिती मिळताच अग्निशामन दल आणि मुंबई महानगरपालिकाचे लाईफ गार्ड, स्थानिक पोलिसांनी घटनास्थळी धाव घेत शोध मोहिम सुरू केली. मात्र मंगळवारी रात्री उशीरापर्यंत तिन्ही मुलांचे मृतदेह हाती लागले नव्हते.

बुडालेली ही तिन्ही मुलं चेंबूर परिसरातील असल्याची प्राथामिक माहिती आहे. ही मुलं समुद्रात जात असताना त्या ठिकाणी तैनात असलेला लाईफ गार्डचा जवानाने त्यांना आतमध्ये जाण्यापासून मनाई करत होते. मात्र हे तरी देखील ते समुद्राच्या लाटा मध्ये गेले अशी माहिती समोर येत आहे.

दरम्यान, सोमवारी संध्याकाळी देखील येथे इर्ला येथील एका मुलाचा बुडून मृत्यू झाला. त्यात मंगळवारी ही घटना घडल्याने समुद्र जीवरक्षक कुठे आहेत? असा प्रश्न यानिमित्ताने उपस्थित केला जात आहे. दुसरीकडे अशा घटनांमधून कोणताही बोध न घेत अनेकदा तरुणाई बिनधास्तपणे स्टंटबाजी करण्याचा प्रयत्न करतात. पण कोणतीही काळजी न घेतल्याने जीव गमावण्याची वेळ त्यांच्यावर येते.

Edited By - Satish Daud