Mumbai: मुंबईतील लालबाग पेरू कंपाऊंड परिसरात लोखंडी कपाटात प्लास्टिकच्या पिशवीत भरून ठेवलेला मृतदेह सापडल्याने एकच खळबळ उडालेली आहे. रात्री उशिरा पोलिसांना कंपाउंडमधील एका घरातून उग्र वास येत असल्याची माहिती मिळाली. पोलिसांनी घटनास्थळी पोहोचून घरातून येत असलेल्या उग्रवासानंतर छाननी केली असता ही धक्कादायक घटना समोर आली आहे. (Latest Marathi News)

याबाबत समोर आलेल्या माहितीनुसार, लालबागच्या इब्राहिम कासिम इमारतीच्या पहिल्या मजल्यावरील फ्लॅटमध्ये एका महिलेचा मृतदेह आढळल्याने खळबळ उडाली आहे. ही महिला बेपत्ता असल्याची तक्रार तिच्या भावाने आणि भाच्याने मंगळवारी रात्री साडेनऊच्या सुमारास काळाचौकी पोलीस स्टेशनमध्ये नोंदवली होती. तक्रार मिळाल्यानंतर पोलीस अधिकारी इमारतीत आले. त्यावेळी घरात शोध घेताना महिलेचा मृतेदह एका प्लास्टिकच्या पिशवीत गुंडाळला होता आणि तो सडलेल्या अवस्थेत होता.

पोलिसांनी मृतदेह ताब्यात घेऊन उत्तरीय तपासणीसाठी पाठवला आहे. तसंच महिलेच्या मृत्युच्या कारणाचा शोध पोलीस घेत आहेत." दरम्यान या संपूर्ण प्रकरणात पोलिसांनी मृत महिलेच्या मुलीला ताब्यात घेतलं असून तिची चौकशी केली जात आहे. (Mumbai News)