संजय गडदे

Mumabi Crime News : स्वतःच्या आर्थिक फायद्यासाठी महिलांना पैशाचे आमिष दाखवून वेश्या व्यवसायासाठी प्रवृत्त करणाऱ्या दालालास मुंबईच्या बोरीवली एम एच बी कॉलनी पोलिसांनी अटक केली आहे. या दलालाविरोधात पिटा कायद्या अन्वये गुन्हा दाखल करून त्याला अटक करण्यात आली आहे. अजय अमृतलाल ठक्कर (५८ वर्ष) अस अटक करण्यात आलेल्या आरोपीचे नाव आहे.

मिळालेल्या माहितीनुसार, बोरिवली परिसरात एक व्यक्ती गरीब व असहाय महिलांचा गैरफायदा घेवुन त्यांना पैशाचे आमीष व आर्थिक लाभ मिळवून देण्याचे प्रलोभन दाखवुन त्यांच्याकडून वेश्या व्यवसाय करून घेत असल्याची गुप्त माहिती एम एच बी कॉलनी पोलिसांना (Police) माहिती मिळाली.

या संदर्भात वरिष्ठांना माहिती देऊन कारवाईचे आदेश मिळतात वेश्या व्यवसाय चालणाऱ्या ठिकाणी छापा कारवाई करुन कलम ४,५ पिटा कायदा १९५६ अन्वये १ पिडीत महिलेची सुटका केली. तसेच १ आरोपीना अटक केली. पिडीत महिलेस सुधारगृहात पाठवले आहे. आरोपी सध्या पोलिसांच्या ताब्यात असून बोरीवली एम एच बी पोलीस याविषयी अधिक तपास करत आहे.