Summary:

• मुंबईत अल्पवयीन मुलीवर बलात्कार

• कोल्डड्रिंकमध्ये गुंगीचे औषध मिक्स करून प्यायला दिले

• बलात्कारानंतर अश्लिल व्हिडीओ तयार करून केले ब्लॅकमेल

• आरोपीला विरारमधून अटक करण्यात आली

मुंबईमध्ये अल्पवयीन मुलीवर बलात्कार झाल्याची धक्कादायक बातमी समोर आली आहे. कोल्डड्रिंकमध्ये गुंगीचे औषध देऊन या मुलीवर बलात्कार करण्यात आला आणि अश्लिल व्हिडीओ तयार करून तिला ब्लॅकमेल करण्यात आले. या प्रकरणी मुंबई पोलिसांनी आरोपीविरोधात गुन्हा दाखल केला. आरोपीला अवघ्या ६ तासांत पोलिसांनी अटक केली.

मिळालेल्या माहितीनुसार, मालाड पूर्वमध्ये ही घटना घडली. महेश रमेश पवार( ४५ वर्षे) असं आरोपीचे नाव आहे. कुरार पोलिसांनी आरोपीला विरार येथून अटक केली. आरोपीने फक्त एकच नाही तर अनेक अल्पवयीन मुलींवर बलात्कार केला असल्याची माहिती समोर आली आहे. कोल्डड्रिंकमध्ये गुंगीचे औषध मिक्स करून तो मुलींना प्ययाला द्यायचा आणि बेशुद्ध झाल्यानंतर त्यांच्यावर बलात्कार करायचा. त्यानंतर त्यांचे अश्लिल व्हिडीओ तयार करून ते व्हायरल करण्याची धमकी द्यायचा.

पोलिस अधिकाऱ्याने सांगितले की, आरोपी पीडित मुलींचे अश्लिल व्हिडीओ तयार करून त्यांना वारंवार ब्लॅकमेल करायचा आणि त्यांचे लैंगिक शोषण करायचा. आरोपीने आतापर्यंत ८ ते १० मुलींना लक्ष्य केल्याचा संशय आहे. पीडितेकडून तक्रार दाखल झाल्यानंतर आरोपीवर गुन्हा दाखल करण्यात आला.

त्यानंतर अवघ्या ६ तासांत पोलिसांनी आरोपीला बेड्या ठोकल्या. दरम्यान, या घटनेमुळे मुंबईत खळबळ उडाली आहे. पालकांनी आपल्या मुलींकडे लक्ष ठवावे. त्यांच्या वागण्यात काही बदल जाणवत असल्यास किंवा ते चिंतेत दिसत असल्यासे त्यांची विचारपूस करावी असे आवाहन पोलिस करत आहेत.