Mumbai contractor news today : मुंबईतून एक अत्यंत धक्कादायक आणि सुन्न करणारी बातमी समोर आली आहे. गजानन देवकाते नावाच्या एका कंत्राटदाराने (कॉन्ट्रॅक्टर) टोकाचे पाऊल उचलत आत्महत्या केल्याची खळबळजनक घटना घडली आहे. या घटनेमुळे मुंबईतील व्यावसायिक वर्तुळात आणि परिसरात मोठी खळबळ उडाली आहे. पोलीस घटनास्थळी दाखल झाले असून, त्यांनी आत्महत्येमागचे नेमके कारण शोधण्यासाठी तपास सुरू केला आहे.

काम पूर्ण झाल्यानंतरही बिलाचे पैसे मिळाले नाहीत. वारंवार देवकाते यांनी थकीत बिलाचे पैसे मिळवण्यासाठी संबंधित कार्यालयाच्या चकरा मारल्या. पण त्यांना पैसे मिळाले नाही. वाढता आर्थिक खर्चामुळे कंत्राटदार देवकाते यांनी टोकाचा निर्णय घेतल्याची माहिती समोर आली आहे.

बिल थकल्यानं वर्षभरापूर्वी लिहिलं देवकाते यांनी कार्यकारी अभियंत्यांना पत्र लिहिलयाचीही माहिती समोर आली आहे. काम केले तरी वेळेत बिल मिळाली नाहीत, त्यामुळे देवकाते त्रस्त होते. बिल मिळण्यासाठी १० वेळा चक्कर मारावी लागत असल्याचा उल्लेख देवकाते यांनी पत्रात केला होता.

दरम्यान, प्रलंबित बिलांच्या तणावातून मुंबईतील ठेकेदार देवकते यांनी घेतलेल्या टोकाच्या निर्णयाच्या पार्श्वभूमीवर महाराष्ट्र राज्य कंत्राटदार महासंघाच्या वतीने शासन व प्रशासनाला जाब विचारण्यासाठी पत्रकार परिषदेचे आयोजन करण्यात आले आहे.

महत्त्वाची टीप:

जर तुम्ही किंवा तुमच्या ओळखीतील कोणी मानसिक तणावात असेल किंवा आत्महत्येचे विचार येत असतील, तर कृपया त्वरित तज्ज्ञांशी किंवा हेल्पलाईन क्रमांकांवर संपर्क साधा. आत्महत्या हा कोणत्याही समस्येवर पर्याय नाही.