मुंबईत मरण किती स्वस्त झालंय याचं आणखी एक दुर्दैवी आणि संतापजनक घटना चेंबूरमध्ये घडलीय. चेंबूरमधील 11 नंबर रोडवर शाळा सुटल्यानंतर एका धावत्या स्कूल बसवर झाड कोसळून भीषण अपघात घडलाय. या अपघातात एका विद्यार्थ्यांचा मृत्यू झालाय. ही दुर्घटना नेमकी कशी घडली ते पाहूयात.

नेमकं काय घडलं?

चेंबूरमध्ये 11 नंबर रोडवर स्कूल बसवर झाड कोसळलं

बसमध्ये 14 ते 15 विद्यार्थी असल्याची माहिती

10 विद्यार्थी जखमी, एका विद्यार्थ्यांचा मृत्यू

जखमींपैकी दोन विद्यार्थ्यांची प्रकृती गंभीर

रुग्णवाहिका, जेसीबी, बचाव पथकाकडून रेस्क्यू

ही घटना कशामुळे घडली ऐकूयात प्रत्यक्षदर्शीकडून

ऐकलंत...कॉक्रिटीकरणामुळे ते झाड कमकुवत झालं होतं...मात्र झाडांचं सर्वेहक्षण करण्यासाठी कोट्यवधी रुपये घेणाऱ्या ना कंत्राटदारांनी हे पाहिलं....ना महापालिकेच्या अधिकाऱ्यांनी...कारण सर्व केवळ टक्केवारी आणि हप्तेखोरीत गुंतलेले आहेत.

आता महापौरांनी दुर्घटनास्थळाची पाहणी करून अशा झाडांबाबत नव्यानं धोरण आखण्याचं आश्वासन दिलंय.

'साम' टीव्हीचे सवाल

पावसाळ्यापूर्वी धोकादायक झाडांचं सर्वेक्षण केलं नव्हतं का?

संबंधित कंत्राटदाराने झाडाची योग्य छाटणी का केली नाही?

काँक्रिटीकरणामुळे झाडांची मुळे कमकुवत होत असल्याच्या तक्रारींकडे दुर्लक्ष का केलं?

बीएमसी अधिकारी आणि कंत्राटदारावर सदोष मनुष्यवधाचा गुन्हा दाखल करणार का?

खरंतर, दरवर्षी महापालिकेकडून मान्सूनपूर्व कामं केली जातात. यासाठी महापालिकेकडून कोट्यवधींचा निधीही खर्च केला जातो. मुंबईसह उपनगरात रस्त्यावरील वृक्षांची छाटणी करण्यासाठी महापालिकेकडून कोट्यवधी रुपये खर्च केले जातात. मात्र ते केवळ कागदावरच असतात..फिल्डवर या ढिसाळ कामांमुळे सामान्य जनतेला जीव गमवावा लागतो. त्यामुळे या विद्यार्थ्याचे मारेकरी ठरलेल्या कंत्राटदार आणि अधिकाऱ्यांवर कडक कारवाई व्हायलाच हवी....