मुंबईतील नरिमन पॉईंट परिसरात एका भरधाव कारने पोलीस हवालदाराला उडवल्याची घटना दुपारी घडली. या अपघातात पोलीस कर्मचारी जखमी झाला असून त्यांना रुग्णालयात दाखल करण्यात आले. मिळालेल्या माहितीनुसार, पोलीस बेदरकारपणे वाहन चालवणाऱ्या चालकावर पोलीस कारवाई करणार आहे.

आमदाराच्या पुतण्याने दुचाकीस्वाला चिरडलं

अजित पवार गटाचे खेडचे आमदार दिलीप मोहिते यांच्या पुतण्याने सुसाट कार चालवत दुचाकीस्वाला चिरडलं. या घटनेत एकाचा मृत्यू झाला असून एकजण गंभीर जखमी झाला. या अपघाताची घटना नाशिक-पुणे हायवेवर असलेल्या अंधारामुळे झाला.

ब्रेकऐवजी दाबला एक्सलेटर, कारने ३ जणांना चिरडले

मुंबईमध्ये आज दिवसभरात अजून एक घटना घडली. यात कारने ३ जणांना चिरडलं. मृतांमध्ये एका महिलेचा जागीच मृत्यू झाला. तर दोघे जण जखमी झाले आहेत. ही घटना कांदिवलीमध्ये घडली. या अपघाताचा सीसीटीव्ही व्हिडीओ समोर आला असून तो सोशल मीडियावर व्हायरल होत आहे. याप्रकरणी पोलिसांनी कार चालकाला अटक केलीय.