- सिद्धेश म्हात्रे
पनवेल मधील खांदा कॉलनी जवळ प्रवाशांनी भरलेल्या एसटी बसचा अपघात झाल्याची घटना आज (शुक्रवार) दुपारच्या सुमारास घडली. या अपघातात जवळपास 15 ते 20 प्रवासी किरकोळ जखमी झाले आहेत. पाेलिस घटनेचा तपास करीत आहेत. (Maharashtra News)
प्राथमिक माहितीनूसार एसटी बस जव्हार वरून स्वारगेटला निघाली होती. बस खांदा कॉलनी जवळ आली असता एका वाहनाला बसने पाठीमागून जोरदार धडक दिली. या अपघातात बसचे पुढील भागाचे मोठे नुकसान झाले. या घटनेत बसमधील 15 ते 20 प्रवासी किरकोळ जखमी झाले आहेत. सर्व जखमी प्रवाशांना एमजीएम रुग्णालय येथे उपचारासाठी दाखल करण्यात आले आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
पामबीच मार्गावर भीषण अपघात
नवी मुंबईतील पामबीच मार्गावर भीषण अपघात झाला आहे. बेलापुर वरून वाशीच्या दिशेने जाताना सानपाडा जवळ कार वरील नियंत्रण सुटल्याने कार दुभाजक तोडून झाडाला धडकली. या कार मधील वाहन चालक जखमी झाला आहे. त्याला खाजगी रुग्णालयात उपचारासाठी दाखल करण्यात आले आहे. पाेलिसांनी दिलेल्या माहितीनूसार कार चालकाचे नाव अखिल पिल्लाई असे आहे. अधिक तपास पाेलिस करीत आहेत.
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.