Mumbai News : मुंबईतील रस्त्यांवरी खड्ड्यांच्या त्रासाला सामान्य नागरिकांना सामोरे जावे लागत आहे.नागरिकांना त्याच खड्डेमय रस्त्यांचा वापर करावा लागत आहे. या खड्ड्यांवरून अनेक राजकीय पक्ष पालिकेला लक्ष्य करत आहेत. तर अनेक पक्ष, संघटना खड्ड्यांच्या प्रश्नांसाठी आंदोलन केले आहेत. मुंबईतील याच खड्ड्यांविरोधात पालिका अधिकाऱ्यांचा निषेध करण्यासाठी महाराष्ट्र नवनिर्माण पक्षाने हटके आंदोलन केले आहे. मनसे (MNS) कार्यकर्त्यांनी मुंबई महापालिका अधिकाऱ्यांचा निषेध करण्यासाठी चक्क खड्ड्यांचे श्राद्ध घातले आहे. (MNS News In Marathi)

मुंबईतील खड्ड्यांवरून मनसे कार्यकर्ते चांगलेच आक्रमक झालेले आहेत. लाखो रुपयांचा टॅक्स गोळा करणाऱ्या मुंबई महानगरपालिकेकडून मुंबईकरांना (Mumbai) चांगले रस्ते उपलब्ध करून दिले जात नाहीत, असा आरोप मनसेने केला आहे. मुंबईच्या रस्त्यांवर सर्वत्र खड्ड्यांचे साम्राज्य पाहायला मिळते याला जबाबदार असणाऱ्या पालिका अधिकाऱ्यांचा निषेध मनसेना केला. तसेच सर्वपित्री अमावस्या निमित्त खड्ड्यांचे श्राद्ध घालून मनसेने अंधेरी पूर्वेकडे हटके आंदोलन केले या आंदोलनाची चर्चा सर्वत्र होऊ लागली आहे.

श्राद्ध घातल्याने पीतरांना मोक्ष मिळतो असा समज आहे, याच भावनेतून मुंबईकरांना त्रास देणारे पालिका अधिकारी यांचा निषेध अंधेरीतील मनसे कार्यकर्त्यांनी केला. खड्ड्यांना श्राद्ध घालण्याचे काम अनोख्या आंदोलनातून मनसे अंधेरी पूर्व विधानसभा विभाग अध्यक्ष रोहन सावंत यांनी केले. यावेळी आंदोलकांनी खड्ड्यांमध्ये रांगोळी काढून,दिवे लावून आंदोलन केल्याचे पाहायला मिळाले.

आंदोलकांनी यावेळी मुंबई महानगरपालिका विरोधात जोरदार घोषणाबाजी देखील केल्याचे पहायाला मिळाले. येत्या काही दिवसांमध्ये जर मुंबई महानगरपालिकांनी सर्व खड्डे बुजवले नाही तर पालिकेच्या विरोधात मनसे संपूर्ण मुंबईभरात तीव्र आंदोलन करणार असल्याचा इशारा रोहन सावंत यांनी दिला आहे.