राज्यात काल (२७ फेब्रुवारी) रोजी 'मराठी भाषा गौरव दिन' मोठ्या उत्साहात साजरा झाला. राज्यात विविध ठिकाणी अनेक कार्यक्रमांचं आयोजन देखील करण्यात आलं होतं.
मराठी भाषेला अभिजात दर्जा मिळावा यासाठी सरकारकडून वेगाने प्रयत्न देखील केले जात आहेत. मात्र मराठी भाषेला कसं डावललं जातं, याचा अनुभव मनसे नेते नितीन सरदेसाई यांना मुंबई-रत्नागिरी प्रवासादरम्यान रेल्वेमध्ये आला आहे. ('साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
मनसे नेते नितीन सरदेसाई यांना प्रवासादरम्यान आलेला अनुभव त्यांनी व्हिडीओच्या माध्यमातून सर्वांसोबत शेअर केला. नितीन देसाई यांनी आपल्या व्हिडीओत सांगितलं की, मी आता मुंबईहून मडगाव असा तेजस एक्स्प्रेसने प्रवास करत आहे. मी रत्नागिरीला जात आहे. या तेजस एक्सप्रेसमध्ये रेल्वे प्रशासनाकडून प्रवाशांच्या वाचनासाठी काही वर्तमानपत्र ठेवले आहेत.
मात्र त्यात एकही मराठी वृत्तपत्र नाही. मुंबईतून कोकणात जाणाऱ्या ट्रेनमध्ये मराठी वृत्तपत्र नसावं ही अत्यंत दुर्दैवी बाब आहे. मी याबाबत रेल्वे प्रशासनाशी नक्कीच बोलणार आहे.
मात्र मुंबईतून बाहेर जाणाऱ्या सर्व प्रवाशांनी रेल्वेत मराठी वृत्तपत्र असावीत याबाबत आग्रही असायला हवं. यापुढे रेल्वेत मराठी वृत्तपत्र मिळावीत ही मागणी आपण केली पाहिजे, असंही नितीन सरदेसाई यांनी म्हटलं आहे.
नितीन सरदेसाई यांचा व्हिडीओ आता सोशल मीडियावर व्हायरल होत आहे. नितीन सरदेसाई यांच्या भूमिकेचे सर्वचजण कौतुक करत आहेत. तुम्ही अगदी बरोबर प्रश्न उपस्थित केला आहे. वंदे भारत ट्रेनमध्ये देखील हीच स्थिती आहे, असं एका यूजरने सांगितलं. तर आणखी एका यूजरने म्हटलं की, मराठी वृत्तपत्रांना रेल्वेने प्राधान्य दिलं पाहिजे, असं म्हटलं आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.