सुशांत सावंत

Raj Thackeray : रंगभूमीवरचे सुपरस्टार प्रशांत दामले यांनी १२५०० प्रयोग साकारल्यामुळे त्यांच्यावर कौतुकाचा वर्षाव होत आहे. त्यांच्या ऐतिहासिक प्रयोगानंतर मुंबईत एका कार्यक्रमाचे आयोजन करण्यात आले. या कार्यक्रमात मनसे प्रमुख राज ठाकरे यांनी हजेरी लावली. राज ठाकरे यांनी उपस्थित प्रेक्षकांशी संवाद साधला. त्यावेळी ठाकरे यांनी मराठी मनोरंजनसृष्टीवर भाष्य केलं. तसेच 'आपल्या देशात कलाकारांची कुठे नाव देतात का? फक्त चौकाला देतात', अशा शब्दात खंत देखील व्यक्त केली. (laterst Marathi News)

अभिनेते प्रशांत दामले यांच्या ऐतिहासिक १२५०० प्रयोगानिमित्त त्यांच्या सत्काराचा कार्यक्रम आयोजित करण्यात आला होता. या कार्यक्रमात मुख्यमंत्री एकनाथ शिंदे , उपमुख्यमंत्री देवेंद्र फडणवीस आणि मनसे प्रमुख राज ठाकरे यांनी हजेरी दर्शवली. यावेळी राज ठाकरे प्रेक्षकांशी संवाद साधला.

राज ठाकरे (Raj Thackeray) म्हणाले, 'आज प्रशांत दामले 12 हजार 500 वा प्रयोग करतात आणि तोही क्षणमुखानंदमध्ये करतात ही सोपी गोष्ट नाही. मराठी माणूस हा नाटक वेडा आहे. मराठी महिला सिनेमासाठी नटून थटून जात नाहीत. त्या नाटकाला जातात'.

'आज मोठ्या कलाकाराचे सत्कार करायला मोठी लोक उरलेली नाहीत म्हणून आम्हाला बोलावलं जात. मुख्यंमत्री येऊन गेले. उपमुख्यमंत्री, आमचे दोन-तीन कार्यक्रम झाले'. यावेळी राज ठाकरे यांनी कलाकराच्या (Artist) मानसन्मानाविषयी देखील भाष्य केलं. 'आपल्या देशात कलाकरांची कुठे नाव देतात का? फक्त चौकाला', असा सवाल उपस्थित करत राज ठाकरेंनी कलाकारांच्या मानसन्मानाविषयी खंत निर्माण केली.