आज शिवसेना आमदार अपात्रता प्रकरणी सुप्रीम कोर्टात सुनावणी झाली. या सुनावणीदरम्यान कोर्टाने विधानसभा अध्यक्ष राहुल नार्वेकर यांच्यावर कडक शब्दात ताशेरे ओढले आहेत. यावरच आता नार्वेकर यांनीही आपली प्रतिक्रिया दिली आहे.
नार्वेकर म्हणाले आहेत की, कोर्टाचा अनादर केला जाणार नाही. विधिमंडळाच सार्वभौमत्व राखन माझं कर्तव्य आहे. विधिमंडळाच न्याय आणि संविधानिक तरतुदी याबाबत कुठेही तडजोड केली जाणार नाही.
ते म्हणाले, ''निवडणूक चिन्ह समोर घेऊन मी निर्णय देत नाही. मी निर्णय लवकरात लवकर घेण्याचा प्रयत्न करणार आहे. जर मी नियम न पाळता निर्णय घेतला तर ती चूक होईल. सर्वोच्च न्यायालय ही जबाबदार संस्था आहे.'' (Latest Marathi News)
सुप्रीम कोर्टाने काय म्हटलं?
शिवसेना आमदार अपात्रतेच्या सुनावणीदरम्यान सुप्रीम कोर्टाने म्हटलं आहे की, निकाल लवकर द्या, नाहीतर तोपर्यंत निवडणूक होतील. असे सरन्यायाधीश चंद्रचूड यांनी म्हटल्याची माहिती वकील सिद्धार्थ शिंदे यांनी दिली आहे. तसेच त्यांनी अध्यक्षांना समजवा अशी सूचनाही महाधिवक्ता तुषार मेहता यांना दिल्याची माहिती आहे.
सुपरिणाम कोर्टाने नार्वेकर यांच्यावर संताप व्यक्त करत म्हटलं आहे की, ''आम्ही १४ जुलैला नोटीस काढली, त्यानंतर २३ सप्टेंबरमध्ये आदेश काढला. पण विधानसभा अध्यक्षांनी आतापर्यंत कोणतेच निर्णय घेतले नाहीत.'' सुप्रीम कोर्टाने निर्देश दिले की, निवडणुकांआधी या प्रकरणाचा निकाल लागला पाहिजे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.