मुंबई: मीरा-भाईंदर महापालिकेचा (Mira-Bhayander Municipal Corporation) एक हास्यास्पद प्रकार चव्हाट्यावर आला आहे. मीरा-भाईंदर पालिका प्रशासनने चक्क शौचालय बांधण्यावरून जातीय भेद करत असल्याचे उघडकीस आले आहे. याप्रकारावरून नागरिकांसह सर्वच पक्षाच्या कार्यकर्त्यांमधून संताप व्यक्त केला जात आहे.

पालिकेच्या शौचालय (Toilet) बांधण्याच्या कोटेशनच्या प्रस्तावामध्ये भाईंदर प्रभाग समिती १ मधील जैन समुदायासाठी शौचालय बांधण्याचा उल्लेख करण्यात आला आहे. शौचालय हे सर्वच नागरिकांसाठी सार्वजनिक असताना पालिकेच्या प्रस्तावात एका विशिष्ट समाजाचा जातीयवादी उल्लेख केला असल्याने संताप व्यक्त केला जात आहे.

पाहा व्हिडीओ -

या कोटेशनचा फोटो सध्या व्हायरल (Viral Photo) होत असून पालिकेवर नागरिकांकडून टीका केली जात आहे. या प्रकारावर मीरा-भाईंदर महापालिकेचे आयुक्त दिलीप ढोले यांनी हा प्रस्ताव रद्द करण्यात आल्याचे सांगत कुठल्याही समाजाच्या नावावर शौचालय बांधण्याच्या प्रस्तावाला पालिकेने मंजुरी दिली नसल्याचे स्पष्ट केले आहे.

Edited By - Jagdish Patil