मुंबई: म्हाडाच्या भरती प्रक्रियेचा पेपर रद्द झाल्यानंतर त्याचाच निषेध करण्यासाठी आज ठाण्यात राष्ट्रवादी काँग्रेसचे नेते आणि गृहनिर्माण मंत्री जितेंद्र आव्हाड (Jitendra Awhad) यांच्या विवीयना मॉल येथील नाद बंगल्याच्या बाहेर अखिल भारतीय विद्यार्थी परिषदेच्या (ABVP) कार्यकर्त्याच्या निदर्शनं करण्यात येणार होती. विद्यार्थ्यांनी निदर्शनाला (Agitation) सुरुवात करताच विध्यार्थी आणि राष्ट्रवादीचे कार्यकर्ते यांच्यात बाचाबाची झाली. यावेळी आखिल भारतीय विद्यार्थी परिषदेच्या 25 हुन अधिक कार्यकर्त्यांना वर्तकनगर पोलिसांनी ताब्यात घेतलं. आव्हाड यांच्या नाद या बंगल्याच्या बाहेर निदर्शन करण्यापूर्वीच विद्यार्थ्यांना अडवल्यामुळे पुढील अनर्थ टळला आहे. (Mhada Exam: More than 25 agitating ABVP activists arrested by police )

हे देखील पहा -

म्हाडाच्या (Mhada) परीक्षा पुढे (Exams Postponed) ढकलण्यात आल्या आहेत अशी माहिती गृहनिर्माण मंत्री जितेंद्र आव्हाड यांनी दिली मध्यरात्री १ वाजून ५४ मिनिटींनी ट्विटरवर व्हिडिओद्वारे दिली होती. म्हाडाच्या व इतर परीक्षा काही अपरिहार्य आणि तांत्रिक अडचणींमुळे पुढे ढकलण्यात आल्या असून या परीक्षा आता जानेवारीमध्ये होणार आहेत. विद्यार्थ्यांना परीक्षेसाठी जानेवारीपर्यंत वाट पहावी लागणार आहे. परीक्षा रद्द झाल्यामुळे विद्यार्थ्यांची जी गैरसोय होणार आहे, त्याबद्दल मी क्षमा मागतो असं आव्हाड म्हणाले होते. म्हाडाच्या परीक्षा पुढे ढकलण्यात आल्या आहेत विद्यार्थ्यांनी याची नोंद घ्यावी. विद्यार्थ्याने परीक्षा सेंटरवर जाऊ नये, असे जितेंद्र आव्हाड विद्यार्थ्यांना आवाहन केले आहे.

Edited By - Akshay Baisane