- सिद्धेश म्हात्रे

Navi Mumbai News :

एपीएमसी परिसरात कोल्ड स्टोरेज चालकांनी अनधिकृतपणे सुरू असलेल्या फळांचा व्यापार थांबावा. आत्ता आम्ही त्यांना विनंती करीत आहाेत. त्यांनी अनधिकृतरित्या व्यापार सुरु ठेवल्यास कोल्ड स्टोरेजला कुलुप लावले जाईल असा इशारा माथाडी कामगार नेते आमदार शशिकांत शिंदे (mla shashikant shinde) यांनी दिला. (Maharashtra News)

मुंबईतून एपीएमसी मार्केट (Agriculture Produce Market Committee) स्थलांतरीत झाले तेव्हा सर्व व्यापार हा एपीएमसी मार्केट मधून होईल असे आश्वासन सरकार तर्फे देण्यात आले होते. नव्या कायद्याचा आधार घेत कोल्ड स्टोरेजमधून फळ विक्री सुरु झाली.

याचा विराेधात करण्यासाठी आज नवी मुंबईतील एपीएमसी फळ बाजारात माथाडी नेते आमदार शशिकांत शिंदे यांच्या नेतृत्वाखाली माथाडी, मापाडी आणि व्यापारी यांचा भव्य मोर्चा काढण्यात आला.

आमदार शिंदे म्हणाले नव्या कायद्याचा आधार घेत कोल्ड स्टोरेज चालक इम्पोर्ट केलेल्या फळांचे स्टोरेज करण्याबरोबरच कोल्ड स्टोरेज मधूनच थेट फळांचा व्यापार करत आहेत. याविरोधात अनेक बैठका घेऊन देखील कोणताही ठोस निर्णय होत नसल्याने आज मोर्चा काढला आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

कोल्ड स्टोरेज चालकांनी अनधिकृतपणे सुरू असलेल्या फळांचा व्यापार न थांबवल्यास कोल्ड स्टोरेजला टाळ लावण्याचा इशारा यावेळी आमदार शशिकांत शिंदे यांनी दिला.

Edited By : Siddharth Latkar