मुंबई - बंगाली चित्रपटातील अभिनेत्रीला हिंदी चित्रपटात (Hindi Movie) काम देण्याच्या नावाखाली बोलावून एका महिलेचा विनयभंग करण्याऱ्या कास्टिंग डायरेक्टरला मालाड पोलिसांनी अटक (Malad Police Arrested) केली आहे. नवोदित अभिनेत्रींना हिंदी चित्रपटात काम देण्याचे आमीष दाखवून त्यांना बोलावून ऑडिशनच्या नावाखाली हा त्यांचे विनयभंग करत असल्याचे तपासात समोर आले आहे. (Mumbai Latest Crime News)

हे देखील पहा -

ओमप्रकाश तिवारी असे अटक करण्यात आलेल्या आरोपीचे नाव आहे. तो 24 वर्षांचा असून त्याने काही महिन्यापूर्वी फिल्मशी संबधित तो एका नामांकित कंपनीत काम करत होता. त्यावेळी त्याने स्वत:च्या फेसबुकवर (Facebook) स्वत:ची ओळख कास्टिंग डायरेक्टर अशी लिहिली होती. मोठ मोठ्या बाताकरून तिवारी हा अनेक महिलांना आपल्या जाळ्यात ओढण्याचा प्रयत्न करायचा. अशाच प्रकारे बंगाली चित्रपटात काम करण्याऱ्या एका अभिनेत्रीच्या संपर्कात आला.

डिसेंबर 2021 मध्ये या बंगाली अभिनेत्रीला तिवारीने ऑडिशनच्या नावाखाली मुंबईला बोलावले. वेब सीरिज आणि चित्रपटांमध्ये काम देण्याच्या नावाखाली अभिनेत्रीला शाॅर्ट कपडे घालून फोटोशूट करण्यास सांगितले. हे करत असताना तिवारी अभिनेत्रीला वारंवार चुकीचा स्पर्श करत होता. यावर महिलेने आक्षेप घेतल्यानंतर दोघांमध्ये वाद झाला. त्यावेळी अभिनेत्रीने मालाड पोलीस ठाणे गाठत गुन्हा दाखल केला आहे. या प्रकरणी मालाड पोलिसांनी २४ तासात आरोपीला अटक केली. आरोपीने अशा प्रकारे अनेक तरुणींची फसवणूक केल्याचा संशय पोलिसांना असून त्या अनुशंगाने पोलीस तपास करत आहेत.

Edited By - Shivani Tichkule