पुणे - व्हेल माशाच्या उलटी तस्करी प्रकरणी पुणे Pune नविभागाने सहा जणांना रंगेहाथ पकडले आहे. या आरोपींकडून तीन किलोग्रॅमचा व्हेल माशाच्या उलटी सदृश पदार्थासह चारचाकी जप्त करण्यात आली आहे. पिंपरी चिंचवड Pimpri Chinchwad येथील पूर्णानगर भागात ही कारवाई करण्यात आली आहे. मुहमदनईन चौधरी, योगेश्वर साखरे, अनिल कामठे, ज्योतिबा जाधव, कृष्णात खोत आणि एका महिलेला वनविभागाने पकडले. वनविभागाला काही अज्ञात व्यक्ती व्हेल माशाच्या उलटीसदृश पदार्थाची विक्री करण्यासाठी येणार असल्याची माहिती मिळाली.

हे देखील पहा -

या माहितीच्या आधारे सहायक वनसंरक्षक पुणे विभाग, वनपरीक्षेत्र अधिकारी भांबुर्डा व वनकर्मचारी यांनी बनावट ग्राहक बनून त्यांच्यासमोर गेले आणि सापळा रचून या सर्व आरोपींना ताब्यात घेतले आहे. ही कार्यवाही पुणे विभागाचे उपवनसंरक्षक राहुल पाटील यांच्या मार्गदर्शनाखाली सहायक वनसंरक्षक मयूर बोठे, वनपरीक्षेत्र अधिकारी प्रदीप संकपाळ, वनपाल महेश मेरगेवाड, रामेश्वर तेलंग्रे, वनरक्षक महादेव चव्हाण, विजय शिंदे, वनरक्षक बर्ले, आणि गणेश पाटील यांनी केली.

Edited By - Shivani Tichkule