Mumbai News : राष्ट्रवादी काँग्रेसमध्ये फूट पडल्यानंतर शरद पवार गट आणि अजित पवार गट अशी विभागणी पक्षात झाली. शरद पवार गट महाविकास आघाडीसोबतच आहे. मात्र पक्षफुटीनंतर दोन्ही गटातील नेत्यांच्या भेटी, तसेच शरद पवार आणि अजित पवार यांची गुप्त भेट यामुळे महाविकास आघाडीमध्ये संभ्रम आहे.

शरद पवारांनी भाजपसोबत न जाण्याची आपली भूमिका स्पष्ट केली आहे. तरीही महाविकास आघाडीतील पक्ष शिवेसना ठाकरे गट आणि काँग्रेसने आपला प्लान बी रेडी ठेवला असल्याची माहिती सूत्रांकडून मिळत आहे.

महाविकास आघाडीत राष्ट्रवादी शरद पवार गटाशिवाय निवडणूक लढण्याबाबत काँग्रेस आणि शिवसेनेची प्रार्थमिक चर्चा झाल्याची माहितीसमोर येत आहे. शरद पवार यांच्या भूमिकेमुळे महाविकास आघाडीला फटका बसत असल्याने काँग्रेस आणि शिवसेना ठाकरे गटाने सावध भूमिका घेतली आहे.

शरद पवार यांच्या भूमिकेमुळे महाविकास आघाडीत संभ्रम आहे. राष्ट्रवादी स्पष्ट भूमिका घेत नसल्याने काँग्रेस आणि ठाकरे गट एकत्र निवडणूक लढण्याचा प्लॅन बीची चर्चा आहे.

सुप्रिया सुळे यांनी माझी काँग्रेस, शिवसेनेशी चर्चा झाली आहे, त्यामुळे संभ्रम नाही असं म्हटलं आहे. (Latest Marathi News)