महात्मा गांधी यांचे नातू आणि सामाजिक कार्यकर्ते तुषार गांधी यांना मुंबईतील वांद्रे येथील नॅशनल कॉलेज परिसरातून पोलिसांनी ताब्यात घेतल्याची माहिती समोर आली आहे. तुषार गांधी यांना ताब्यात घेतल्यानंतर गेल्या तीन ते चार तासांपासून विविध पोलीस ठाण्यांमध्ये नेले जात असल्याचे सांगितले जात आहे. मिळालेल्या माहितीनुसार, सुरुवातीला तुषार गांधी यांना वांद्रे पोलीस ठाण्यात नेण्यात आले. त्यानंतर त्यांना सांताक्रूझ आणि जुहू येथील पोलीस ठाण्यांमध्ये नेण्यात आल्याचे समजते. सध्या त्यांना अंधेरी पश्चिम येथील डी. एन. नगर पोलीस ठाण्यात आणण्यात आल्याची माहिती आहे. अभिजीत दिपके यांच्या आंदोलनाला तुषार गांधी यांनी पाठिंबा दिला होता. तसेच, दादर येथे ४ तारखेला झालेल्या आंदोलनातही ते सहभागी झाले होते दरम्यान, तुषार गांधी यांना गेल्या तीन ते चार तासांपासून वेगवेगळ्या पोलीस ठाण्यांमध्ये नेले जात असल्याची चर्चा आहे.