अक्षय बडवे, प्रतिनिधी

Maharashtra Weather Update:

देशभरासह राज्यात परतीच्या पावसाला (Maharashtra Rain) सुरूवात झाली आहे. गणेशोत्सव काळात धो- धो कोसळलेला वरुणराजा आता गायब झाला आहे. पावसाने दडी मारल्याने उष्णतेचा चटका वाढला असून 'ऑक्टोबर हिट'मुळे (October Heat) पुणेकर घामाघूम झाले आहेत.

याबाबत सविस्तर माहिती अशी की, गणेशोत्सव (Ganapati Festival) काळात धो- धो कोसळलेला पाऊस लवकरच निरोप घेण्याची शक्यता हवामान खात्याने वर्तवली आहे. देशभरासह काही राज्यांमधून परतीच्या पावसाला सुरुवात झाली आहे. पावसाने दडी मारल्याने उष्णतेचा तडाका जाणवू लागला आहे.

गेल्या दोन दिवसांपासून दिवसा व रात्रीही हवेत उष्णता वाढू लागली आहे. पावसाने विश्रांती घेतल्याने तापमान चांगलेच वाढत असून उष्णतेने पुणेकर (Pune) घामाघूम झाले आहेत. पुणे शहरात दुपारचे तापमान ३० अंश सेल्सिअसच्यावर नोंदवले जात आहे.

मुंबई (Mumbai) आणि पुण्यातून ६ किंवा ७ ऑक्टोबर दरम्यान मॉन्सूनचा परतीचा प्रवास सुरू होणार असल्याचा अंदाज भारतीय हवामानशास्त्र विभागाने वर्तवला आहे. तसेच पुढील काही दिवस हवामान कोरडे राहणार असून, उकाडा जाणवणार असल्याचाही अंदाज वर्तवण्यात आला आहे. (Latest Marathi News)