गिरीश कांबळे, साम टीव्ही मुंबई

मुंबई पुण्यामध्ये मुसळधार पावसाचं थैमान पाहायला मिळत आहे. मुंबईला आज पावसाचा सकाळी साडेआठ वाजेपर्यंत रेड अलर्ट देण्यात आलाय. काही भागात मुसळधार ते अतिमुसळधार पाऊस पडणार असल्याचा अंदाज हवामान विभागानं वर्तविला आहे. मुंबईत काल २५ जुलै रोजी रात्रीपासून पावसाने थोडी उसंत घेतली होती. परंतु आज सकाळपासून पुन्हा पावसाने जोर पकडल्याचं पाहायला मिळतंय.

मुसळधार पावसाचं थैमान

पावसाच्या पार्श्वभू्मीवर पालघर, ठाणे, सिंधुदुर्ग जिल्ह्याला देखील ऑरेंज अलर्ट जारी करण्यात आलाय. तर रायगड, रत्नागिरी जिल्ह्याला पावसाचा रेड अलर्ट देण्यात आलाय. रायगड, रत्नागिरी आणि सातारा या जिल्ह्यांना मुसळधार पावसाचा इशारा हवामान विभागाने दिलेला (Maharashtra Weather Forecast Update) आहे. सिंधुदुर्ग, पुणे, पालघर, ठाणे, मुंबई आणि कोल्हापूर या जिल्ह्यांना जोरदार पावसाचा इशारा इशारा हवामान विभागाने दिलाय.

मुंबईला रेड अलर्ट

नाशिक, नंदुरबार, चंद्रपूर आणि गडचिरोली या जिल्ह्यांना येलो अलर्ट जारी करण्यात (Rain Update) आलाय. अमरावती, वर्धा, भंडारा आणि गोंदिया जिल्ह्याला विजांच्या कडकडाटासह पावसाचा इशारा देण्यात आलेला आहे. नागरिकांनी अतिवृष्टीच्या पार्श्वभू्मीवर सतर्क राहावं, असं आवाहन प्रशासनाकडून करण्यात आलंय. उर्वरित राज्यामध्ये पावसाच्या हलक्या ते मध्यम सरींची शक्यता हवामान विभागाने वर्तविली (Rain Alert) आहे.

अतिवृष्टीच्या पार्श्वभू्मीवर सतर्कतेचं आवाहन

पावसाने कोकण आणि घाटमाथ्यावर चांगलाच दणका दिलाय. त्यामुळे धरणांच्या पाणीसाठ्यांमध्ये झपाट्याने वाढ होत आहे. अनेक धरणांतून पाण्याचा विसर्ग सुरू आहे. अनेक शहरांत नदी-नाल्यांना पूर आल्याचं समोर (Heavy Rain Warning) आलंय. त्यामुळे नदीकाठच्या लोकांनी स्थलांतर करावं आणि सावधगिरी बाळगावी, असं प्रशासनाकडून सांगण्यात आलंय. रस्ते खचल्यामुळे अनेक ठिकाणी वाहतूक देखील बंद झाल्याचं समोर आलंय.