विद्यार्थ्यांसाठी आनंदाची बातमी! येत्या १५ जूनपासून शाळांची घंटा पुन्हा वाजणार आहे. माध्यमिक शाळांचे शैक्षणिक वेळापत्रक जाहीर करण्यात आले असून नव्या शैक्षणिक वर्षाची सुरुवात १५ जूनपासून होणार आहे. माध्यमिक शिक्षण विभागाने याबाबत अधिकृत परिपत्रक काढून सर्व मान्यताप्राप्त शाळांना सूचना दिल्या आहेत.

जाहीर करण्यात आलेल्या वेळापत्रकानुसार, शाळांचे पहिले सत्र १५ जूनपासून सुरू होऊन ३१ ऑक्टोबरपर्यंत चालणार आहे. यानंतर विद्यार्थ्यांना दिवाळी सणानिमित्त २ नोव्हेंबर ते १४ नोव्हेंबर या कालावधीत सुट्टी देण्यात येणार आहे. दिवाळी सुट्टीनंतर शाळांचे दुसरे सत्र पुन्हा सुरू होईल. हे सत्र १ मे २०२७ पर्यंत चालणार असल्याची माहिती देण्यात आली आहे. यानंतर विद्यार्थ्यांसाठी उन्हाळी सुट्टी जाहीर करण्यात आली असून ती ३ मे २०२७ ते १४ जून २०२७ या कालावधीत असेल.